Воскресенье, 14 Сентября 2008 года (1 Сентября 2008 по ст.ст.)
Неделя 13-я по Пятидесятнице, Глас четвертый

+ Начало индикта - церковное новолетие. Прп. Симеона Столпника (459) и матери его Марфы (ок. 428). Мч. Аифала диакона (380). Мцц. 40 дев постниц и мч. Аммуна диакона, учителя их (IV). Мц. Каллисты и братий ее мчч. Евода и Ермогена (309). Прав. Иисуса Навина (XVI в. до Р.Х.). Собор Пресвятой Богородицы в Миасинской обители (в память обретения Ее иконы) (864). Черниговской-Гефсиманской (1869), Александрийской и именуемой Всеблаженная, в Казани, икон Божией Матери. Прав. Иешуа, сына монахини. Прп. Мелетия Нового, Греческого. Новомч. Ангелиса Константинопольского (Греч.). Прп. Николая Критского, монаха (Греч.). Прп. Симеона, Лесбосского (Греч.).

Пожалуйста, поддержите наш проект!

2 Кор., 179 зач., V, 10–15. Мк., 2 зач., I, 9–15. Мч.: Еф., 233 зач., VI, 10–17. Лк., 106 зач., XXI, 12–19.

Тропари и кондаки дня:   [скрыть]

Тропарь воскресный, глас 4.

Светлую воскресения проповедь / от Ангела уведевша Господни ученицы / и прадеднее осуждение отвергша, / апостолом хвалящася глаголаху: / испровержеся смерть, / воскресе Христос Бог, / даруяй мирови велию милость.

Богородичен, глас тойже.

Еже от века утаенное,/ и Ангелом несведомое таинство,/ Тобою, Богородице, сущим на земли явися Бог,/ в неслитном соединении воплощаемь,/ и Крест волею нас ради восприим,/ Имже воскресив первозданнаго,/ спасе от смерти душы наша.

Кондак, глас тойже.

Спас и Избавитель мой/ из гроба, яко Бог,/ воскреси от уз земнородныя,/ и врата адова сокруши,/ и яко Владыка воскресе тридневен.

Индикту (церковному новолетию). Тропарь, глас 4:

Благодарни суще недостойнии раби, Твой, Господи, / о Твоих великих благодеяниях на нас бывших, / славящи Тя хвалим благословим, благодарим, поем и величаем Твое благоутробие, / и рабски любовию вопием Ти: / Благодетелю Спасе наш, слава Тебе.

Слава: глас 3.

Твоих благодеяний и даров туне, / яко раби непотребнии, сподобльшеся, Владыко, / к Тебе усердно притекающе, благодарение по силе приносим, / и Тебе яко Благодетеля и Творца славяще, вопием: / слава Тебе, Боже Прещедрый.

И ныне: глас 2.

Всея твари Содетелю, / времена и лета во Своей власти положивый, / благослови венец лета благости Твоея, Господи, / сохраняя в мире люди и град Твой / молитвами Богородицы и спаси ны.

Кондак, глас тойже.

В вышних живый, Христе Царю,/ всех видимых и невидимых Творче и Зиждителю,/ Иже дни и нощи, времена и лета сотворивый,/ благослови ныне венец лета,/ соблюди и сохрани в мире / град и люди Твоя, Многомилостиве.

Прп. Симеона Столпника. Тропарь, глас 1.

Терпения столп был еси, / ревновавый праотцем, преподобне, / Иову во страстех, Иосифу во искушениих, / и безплотных жительству, сый в телеси, / Симеоне отче наш, / моли Христа Бога спастися душам нашим.

Черниговской-Гефсиманской иконы Богородицы. Тропарь, глас 5.

Пречистая Владычице Богородице, упование всех христиан, / понеже инаго упования не имамы разве Тебе, / Всенепорочная Владычице моя, Госпоже Богородице, / Мати Христа Бога моего. / Темже помилуй и избави мя от всех зол моих / и умоли Милостиваго Сына Своего и Бога моего, / да помилует окаянную душу мою, / и да избавит мя от вечныя муки, и сподобит мя Царствия Своего.

Иконы Богородицы "Всеблаженная". Тропарь, глас 4.

Торжество днесь празднуем светлое, / се бо предлежит, о Всеблаженная, икона Твоя Всечестная, / к ней же любовию сердца вси приходяще, Владычице, / поклоняемся и тепло Тебе вопием: / избави нас от бед и обстояний.

Богослужебные указания:   [показать]