Пятница, 18 Мая 2029 года (5 Мая 2029 по ст.ст.)
Седмица 6-я по Пасхе, Глас пятый

Попразднство Вознесения Господня. Вмц. Ирины (I-II). Обретение мощей прп. Иакова Железноборовского (1442). Прп. Михея Радонежского, ученика прп. Сергия Радонежского (1385). Мчч. Неофита, Гаия и Гаиании. Прп. Адриана Монзенского. Иконы Божией Матери "Неупиваемая чаша" (1878). Прпп. Мартина и Ираклия, Иллирийских. Нового прпмч. Ефрема, Неа Макрийского (Греч.). Прп. Евфимия, еп. Мадитосского, Фракийского (Греч.).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Вознесению Господню. Тропарь, глас 4.

Вознеслся еси во славе, Христе Боже наш, / радость сотворивый учеником / обетованием Святаго Духа, / извещенным им бывшим благословением, / яко Ты еси Сын Божий, Избавитель мира.

Кондак, глас 6.

Еже о нас исполнив смотрение,/ и яже на земли соединив небесным,/ вознеслся еси во славе, Христе Боже наш,/ никакоже отлучаяся,/ но пребывая неотступный,/ и вопия любящим Тя:/ Аз есмь с вами и никтоже на вы.

Прп. Михея Радонежского, ученика прп. Сергия Радонежского. Тропарь, глас 4.

Иго Господне на рамо взем, / последовал еси Христови со учителем своим преподобным Сергием, / с нимже и сподобился еси видети Пресвятую Богородицу. / И слышал еси пресладкий глас Ея, / яко обещася неотступна быти места сего, / но, о преподобне Михее, / молися о чтущих святую память твою.

Прп. Петра Коришского, Сербского. Тропарь, глас 4.

Любовию Христовою просвещен, / измлада возлюбил еси монашеское житие / и, возненавидев всякое плотское наслаждение, / житие твое исполнил еси терпением, постом и молитвами, / просиял бо еси добродетельми, яко светлое светило, / и ныне, усердно молим тя: / моли Христа Бога / сохранити отечество наше и весь крестоносный народ сербский / и всем даровати велию милость.

Иконы Богородицы "Неупиваемая чаша". Тропарь, глас 4.

Днесь притецем вернии / к Божественному и пречудному образу Пресвятыя Богоматери, / напояющей верных сердца / небесною Неупиваемою Чашею Своего милосердия / и людем верным чудеса показующей. / Яже мы видяще и слышаще / духовно празднуем и тепле вопием: / Владычице премилостивая, / исцели наша недуги и страсти / молящи Сына Твоего Христа Бога нашего / спасти души наша.

Богослужебные указания:   [показать]