Воскресенье, 20 Августа 1978 года (7 Августа 1978 по ст.ст.)
Неделя 9-я по Пятидесятнице, Глас осьмый

Успенский пост. Попразднство Преображения Господня. Прмч. Дометия Персянина и двух учеников его (363). Обретение мощей свт. Митрофана, еп. Воронежского (1832). Прп. Пимена Многоболезненного, Печерского, в Ближних пещерах (1110). Прп. Пимена, постника Печерского, в Дальних пещерах (XIII-XIV). Прп. Меркурия Печерского, еп. Смоленского, в Ближних пещерах (1239). Мчч. Марина воина и Астерия сенатора (260). Прп. Ора, пустынника Фиваидского (ок. 390). Прмц. Потамии чудотворицы. Прп. Антония Оптинского. Прп. Дометия, Афонского. Св. Феодоры Сихлийской (Рум.). Свв. 10000 подвижников фивских (Греч.). Сщмч. Наркисса, патр. Иерусалимского (Греч.). Прп. Иперехия, из "Рая" (Греч.). Прп. Созона Никомидийского (Греч.). Прп. Феодосия Нового, целителя Пелопонесского (Греч.). Прп. Никанора с горы Калистрат (Греч.).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Тропарь воскресный, глас 8.

С высоты снизшел еси, Благоутробне, / погребение приял еси тридневное, / да нас свободиши страстей, / Животе и воскресение наше. Господи, слава Тебе.

Богородичен, глас тойже.

Иже нас ради рождейся от Девы,/ и распятие претерпев, Благий,/ испровергий смертию смерть,/ и воскресение явлей яко Бог,/ не презри, яже создал еси рукою Твоею;/ яви человеколюбие Твое, Милостиве,/ приими рождшую Тя Богородицу молящуюся за ны; / и спаси, Спасе наш, люди отчаянныя.

Кондак, глас тойже.

Воскрес из гроба, умершия воздвигл еси,/ и Адама воскресил еси,/ и Ева ликует во Твоем воскресении,/ и мирстии концы торжествуют/ еже из мертвых востанием Твоим, Многомилостиве.

Преображению Господню. Тропарь, глас 7.

Преобразился еси на горе, Христе Боже, / показавый учеником Твоим славу Твою, / якоже можаху: / да возсияет и нам грешным / свет Твой присносущный, / молитвами Богородицы, / Светодавче, слава Тебе.

Кондак, глас тойже.

На горе преобразился еси,/ и якоже вмещаху ученицы Твои/ славу Твою, Христе Боже, видеша:/ да егда Тя узрят распинаема,/ страдание убо уразумеют вольное,/ мирови же проповедят,/ яко Ты еси воистинну Отчее сияние.

Обретение мощей свт. Митрофана, еп. Воронежского. Тропарь свт. Митрофану, еп. Воронежскому, глас 4.

Правило веры и образ кротости / словом и житием пастве твоей, отче смиренномудре Митрофане, был еси. / Темже и во светлостех святых / солнца светлейше возсиял еси, / венцем нетления и славы украшаемь, / моли Христа Бога / стране нашей и граду твоему в мире спастися.

Прп. Пимена Многоболезненного, Печерского, в Ближних пещерах. Тропарь, глас 5.

Богоноснаго Антония смиренномудрием подражая, / терпением Иову подобяся, / не исцеления от болезни, но паче протяжения тоя / желал еси себе, терпеливодушне Пимене, / да не како, здрав быв / и от места сего родительми исторжен, / сожития преподобных и чина их лишишися, / тем паче надежды от самих Ангел пострижен был еси, / с нимиже моли Христа Бога / спастися душам нашим.

Прп. Пимена, постника Печерского, в Дальних пещерах . Тропарь, глас 8.

Постом душу твою просветил еси, / молитвами непрестанными сердце твое сосуд Духа Святаго соделал еси, / преподобне отче наш Пимене; / темже вся вражия ополчения крепко посрамил еси / и, яко победоносец истинный, / воздаяние получил еси от Христа Бога. / Тому помолися о душах наших.

Прп. Меркурия Печерского, еп. Смоленского, в Ближних пещерах. Тропарь, глас 8.

Постом душу твою просветил еси, / молитвами непрестанными сердце твое сосуд Духа Святаго соделал еси, / преподобне отче наш Меркурие; / темже вся вражия ополчения крепко посрамил еси / и, яко победоносец истинный, / воздаяние получил еси от Христа Бога. / Тому помолися о душах наших.

Богослужебные указания:   [показать]