Воскресенье, 26 Марта 1854 года (14 Марта 1854 по ст.ст.)
Неделя 3-я Великого поста, Крестопоклонная, Глас седьмый

Великий пост. Прп. Венедикта Нурсийского (543). Свт. Феогноста, митр. Киевского и всея России (1353). Блгв. вел. кн. Ростислава-Михаила Мстиславича (1167). Свт. Евсхимона исп., еп. Лампсакийского (IX). Феодоровской-Комстромской иконы Божией Матери (1613).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Кресту Господню. Тропарь, глас 1.

Спаси, Господи, люди Твоя, / и благослови достояние Твое, / победы православным императором / на сопротивныя даруя, / и Твое сохраняя Крестом Твоим жительство.

Кондак, глас 4.

Вознесыйся на Крест волею,/ тезоименитому Твоему новому жительству,/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,/ непобедимую победу.

Тропарь воскресный, глас 7.

Разрушил еси Крестом Твоим смерть, / отверзл еси разбойнику рай, / мироносицам плач преложил еси, / и апостолом проповедати повелел еси, / яко воскресл еси, Христе Боже, / даруяй мирови / велию милость.

Богородичен, глас тойже.

Яко нашего воскресения сокровище,/ на Тя надеющияся, Всепетая,/ от рова и глубины прегрешений возведи;/ Ты бо повинныя греху спасла еси,/ рождши Спасение наше; / яже прежде рождества Дева, и в рождестве Дева,/ и по рождестве паки пребываеши Дева.

Кондак, глас тойже.

Не ктому держава смертная/ возможет держати человеки:/ Христос бо сниде, сокрушая и разоряя силы ея;/ связуемь бывает ад,/ пророцы согласно радуются,/ предста, глаголюще, Спас сущим в вере:/ изыдите, вернии, в воскресение.

Феодоровской иконы Богородицы. Тропарь, глас 4.

Днесь светло красуется преименитый град Кострома / и вся Русская страна, / созывающи к веселию вся боголюбивыя народы христианския, / на преславное торжество Божия Матере, / пришествия ради чудотворнаго Ея и многоцелебнаго образа, / днесь бо явися нам пресветлое великое солнце, / приидите, вси Богоизбраннии людие, новый Израиль, / ко источнику цельбоносному, / источает бо нам неоскудныя милости Пресвятая Богородица / и избавляет вся грады и страны христианския / невредимы от всех навет вражиих. / Но, о Всемилостивая Госпоже, Дево Богородице, Владычице, / спаси страну нашу, и архиереи, и вся люди Твоего достояния от всех бед / по велицей Твоей милости, да зовем Ти: / радуйся, Дево, Христианом похвале.

Богослужебные указания:   [показать]