Воскресенье, 27 Февраля 2011 года (14 Февраля 2011 по ст.ст.)
Неделя о Страшном Суде (мясопустная), Глас седьмый

Заговенье на мясо. Прп. Авксентия (ок. 470). + Равноап. Кирилла, учителя Словенского (869). Прп. Исаакия, затворника Печерского, в Ближних пещерах (ок. 1090). 12-ти греков, строителей соборной Успенской церкви Киево-Печерской Лавры (XI). Перенесение мощей блгв. кн. Михаила Черниговского и болярина его Феодора (1578). Прп. Марона, пустынника Сирийского (IV). Свт. Авраамия, еп. Каррийского (V). Сщмч. Филимона, еп. Газского. Новомч. Георгия Митиленского, Константинопольского (Греч.). Новомч. Николая Коринфского (Греч.).

Пожалуйста, поддержите наш проект!

Утр. - Ев. 7-е, Ин., 63 зач., XX, 1-10. Лит. - 1 Кор., 140 зач., VIII, 8 - IX, 2. Мф., 106 зач., XXV, 31-46.

Тропари и кондаки дня:   [скрыть]

Тропарь воскресный, глас 7.

Разрушил еси Крестом Твоим смерть, / отверзл еси разбойнику рай, / мироносицам плач преложил еси, / и апостолом проповедати повелел еси, / яко воскресл еси, Христе Боже, / даруяй мирови / велию милость.

Богородичен, глас тойже.

Яко нашего воскресения сокровище,/ на Тя надеющияся, Всепетая,/ от рова и глубины прегрешений возведи;/ Ты бо повинныя греху спасла еси,/ рождши Спасение наше; / яже прежде рождества Дева, и в рождестве Дева,/ и по рождестве паки пребываеши Дева.

Кондак, глас тойже.

Не ктому держава смертная/ возможет держати человеки:/ Христос бо сниде, сокрушая и разоряя силы ея;/ связуемь бывает ад,/ пророцы согласно радуются,/ предста, глаголюще, Спас сущим в вере:/ изыдите, вернии, в воскресение.

Равноап. Кирилла, учителя Словенского. Тропарь, глас 4.

От пелен прилежно Премудрость сестру себе сотворив, Богогласе, / пресветлую видев, яко девицу чисту, / юже приемь, приведе, / яко монисты златыми, сею украсив свою душу и ум, / и обретеся яко другий Кирилл, блаженне, / разумом и именем мудре.

Прп. Исаакия, затворника Печерского, в Ближних пещерах. Тропарь, глас 2.

Светлости святых насладитися вожделев, / в темную вселился еси пещеру, прехвальне, / и добре подвизался еси, Исаакие, / прельщен же быв от врага, / паки крепко попрал еси того вся коварства. / И ныне, яко победитель, / в веселии предстоя Христу Богу, / проси нам мира и велия милости.

Прп. Марона, пустынника Сирийского. Тропарь, глас 8.

Яко незаходимое солнце возсия нам днесь / светозарными твоими молитвами, преподобне отче наш Мароне, / иже некия горы достигл / и тамо на ней живущими нечестивыми чтом бысть, / за превосходящую твою к Богу добродетель, / и тамо обрет требище идольское. Богу освятив, в нем пребывал еси, / и видев Человеколюбец Бог твой подвиг и труды, / дарова тебе дар Свой, / имже пронесеся имя твое в человецех, / целити скорби, огневицу и трясавицу прибегающим к тебе с верою. / Темже и зовем ти: / радуйся, целителю наш скорый; / радуйся, заступниче наш теплый, / предстоиши бо у Пресвятыя Троицы, / молися Той о призывающих имя твое святое, / да избавит от сих тяжких скорбей и спасет души наша.

Богослужебные указания:   [показать]