Воскресенье, 30 Января 1972 года (17 Января 1972 по ст.ст.)
Неделя о мытаре и фарисее, Глас первый

+)Прп. Антония Великого (356). Св. царя Феодосия Прп. Антония Дымского (ок. 1224). Прп. Антония Черноезерского (XVI). Прп. Антония Краснохолмского, монаха. Прп. Антония Римлянина, Новгородского. Прп. Антония Нового, из Верии Македонской (Греч.). Прп. Ахилы, исп. отшельника Египетского. Новомч. Георгия Янинского (Греч.).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Тропарь воскресный, глас 1.

Камени запечатану от иудей / и воином стерегущим Пречистое Тело Твое, / воскресл если тридневный. Спасе, / даруяй мирови жизнь. / Сего ради силы небесныя вопияху Ти, Жизнодавче: / слава воскресению Твоему, Христе, / слава Царствию Твоему, / слава смотрению Твоему, едине Человеколюбче.

Богородичен, глас тойже.

Гавриилу, вещавшу Тебе Дево, радуйся,/ со гласом воплощашеся всех Владыка,/ в Тебе, Святем Кивоте,/ якоже рече праведный Давид:/ явилася еси ширшая небес,/ поносивши Зиждителя Твоего./ Слава всельшемуся в Тя,/ слава прошедшему из Тебе, / слава свободившему нас Рождеством Твоим.

Кондак, глас тойже.

Воскресл еси яко Бог из гроба во славе,/ и мир совоскресил еси;/ и естество человеческое яко Бога воспевает Тя, и смерть исчезе;/ Адам же ликует, Владыко; / Ева ныне от уз избавляема радуется, зовущи:/ Ты еси, Иже всем подая, Христе, воскресение.

Прп. Антония Великого. Тропарь, глас 4.

Ревнителя Илию нравы подражая, / Крестителю правыми стезями последуя, / отче Антоние, / пустыни был еси житель, / и вселенную утвердил еси молитвами твоими. / Темже моли Христа Бога, / спастися душам нашим.

Прп. Антония Дымского. Тропарь, глас 4.

Добродетелей ревнителю, / пустынный житель, / подвижник веры Христа Бога нашего, / пощением и труды умертвивый плотская вожделения, / тезоимените великому Антонию, / егоже житию поревновал еси / и во егоже имя Божественный храм воздвигл еси, / купно с ним, преподобне Антоние, моли Спасителя всех, / да и нас сотворит победители плотских похотей / и храмы Духа Святаго, / по велицей Его милости.

Прп. Антония Римлянина, Новгородского. Тропарь, глас 4.

Ветхий Рим, отечество твое, оставив, / на камень, яко на легкий корабль, возшел еси / и на нем паче естества, аки безплотен, по водам шествовал еси, / промышлением Божественнаго разума направляемь, / Великаго Новаграда достигл еси / и, обитель в нем сотворив, / тело твое в ней предложил еси, яко дар освящен. / Тем молим тя, отче Антоние: / моли Христа Бога, да спасет души наша.

Богослужебные указания:   [показать]