Воскресенье, 30 Сентября 2029 года (17 Сентября 2029 по ст.ст.)
Неделя 18-я по Пятидесятнице, Глас первый

Неделя по Воздвижении. Попразднство Воздвижения Креста. Мцц. Веры, Надежды, Любови и матери их Софии (ок. 137). Мцц. Феодотии (ок. 230) и Агафоклии. Мучеников 156-ти: Пелия и Нила, епископов Египетских, Зинона пресвитера, Патермуфия, Илии и иных (310). Обретение мощей свт. Иоанна Шанхайского. Цареградской (1071) и Макарьевской (1442) икон Божией Матери. Мчч. Лукии и сына ея Герминиана, в Риме. Сщмчч. Гераклида и Мирона, епп. Кипрских. Св. Ламберта, сщмч. Маастрихтского (Нидерл.). 100 мчч. Египетских (Греч.). Прп. Афанасия Кипрского, монаха (Греч.). Прп. Евсипия Кипрского (Греч.). Новопрпмч. иером. Серафима (Загоровского).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Тропарь воскресный, глас 1.

Камени запечатану от иудей / и воином стерегущим Пречистое Тело Твое, / воскресл если тридневный. Спасе, / даруяй мирови жизнь. / Сего ради силы небесныя вопияху Ти, Жизнодавче: / слава воскресению Твоему, Христе, / слава Царствию Твоему, / слава смотрению Твоему, едине Человеколюбче.

Богородичен, глас тойже.

Гавриилу, вещавшу Тебе Дево, радуйся,/ со гласом воплощашеся всех Владыка,/ в Тебе, Святем Кивоте,/ якоже рече праведный Давид:/ явилася еси ширшая небес,/ поносивши Зиждителя Твоего./ Слава всельшемуся в Тя,/ слава прошедшему из Тебе, / слава свободившему нас Рождеством Твоим.

Кондак, глас тойже.

Воскресл еси яко Бог из гроба во славе,/ и мир совоскресил еси;/ и естество человеческое яко Бога воспевает Тя, и смерть исчезе;/ Адам же ликует, Владыко; / Ева ныне от уз избавляема радуется, зовущи:/ Ты еси, Иже всем подая, Христе, воскресение.

Кресту Господню. Тропарь, глас 1.

Спаси, Господи, люди Твоя, / и благослови достояние Твое, / победы православным императором / на сопротивныя даруя, / и Твое сохраняя Крестом Твоим жительство.

Кондак, глас 4.

Вознесыйся на Крест волею,/ тезоименитому Твоему новому жительству,/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,/ непобедимую победу.

Цареградской иконы Богородицы. Тропарь, глас 1.

Возсия нам, яко солнце светозарное от востока в велелепии. / Твоя, Владычице, икона, / озаряющи чудес сиянием преславно всех, приходящих к ней с верою и любовию / и молящихся усердно к Твоему, еже о Сыне Твоем и Бозе, величию. / Слава Богу, Евфосином сию давшему нам! / Слава Приведшему ю от Царьграда! / Слава Дающему тою всем исцеления.

Богослужебные указания:   [показать]