Воскресенье, 7 Октября 2012 года (24 Сентября 2012 по ст.ст.)
Неделя 18-я по Пятидесятнице, Глас первый

[.:] Первомц. равноап. Феклы (I). Прп. Никандра пустынножителя, Псковского чудотворца (1581). Прмч. Галактиона Вологодского (1612). Прп. Коприя Палестинского (530). Св. Владислава Сербского (1239). Прп. Авраамия, игумена Мирожского. Прп. Стефана (Симона), Давида и Владислава, Сербских. Мирожской иконы Божией Матери (1198). Прав. Евфросинии, дочери прп. Пафнутия Египетского. Прп. Дорофеи, Кашинской.

Пожалуйста, поддержите наш проект!

Утр. - Ев. 7-е, Ин., 63 зач., XX, 1-10. Лит. - 2 Кор., 188 зач., IX, 6-11. Лк., 17 зач., V, 1-11. Первомц.: 2 Тим., 296 зач., III, 10-15. Мф., 104 зач., XXV, 1-13.

Тропари и кондаки дня:   [скрыть]

Тропарь воскресный, глас 1.

Камени запечатану от иудей / и воином стерегущим Пречистое Тело Твое, / воскресл если тридневный. Спасе, / даруяй мирови жизнь. / Сего ради силы небесныя вопияху Ти, Жизнодавче: / слава воскресению Твоему, Христе, / слава Царствию Твоему, / слава смотрению Твоему, едине Человеколюбче.

Богородичен, глас тойже.

Гавриилу, вещавшу Тебе Дево, радуйся,/ со гласом воплощашеся всех Владыка,/ в Тебе, Святем Кивоте,/ якоже рече праведный Давид:/ явилася еси ширшая небес,/ поносивши Зиждителя Твоего./ Слава всельшемуся в Тя,/ слава прошедшему из Тебе, / слава свободившему нас Рождеством Твоим.

Кондак, глас тойже.

Воскресл еси яко Бог из гроба во славе,/ и мир совоскресил еси;/ и естество человеческое яко Бога воспевает Тя, и смерть исчезе;/ Адам же ликует, Владыко; / Ева ныне от уз избавляема радуется, зовущи:/ Ты еси, Иже всем подая, Христе, воскресение.

Первомц. равноап. Феклы. Тропарь, глас 4.

Словесем Павловым научившеся Богоневестная Фекло, / и верою утвердившися от Петра Богозванная, / первомученица явилася еси, и первострадальница в женах, / возшла, еси на пламень, яко на место благоцветущее, / звери и юнцы устрашишася тебе, вооружися бо Крестом. / Тем моли, всехвальная, Христа Бога, / спастися душам нашим.

Прп. Никандра пустынножителя, Псковского чудотворца. Тропарь, глас 6.

Светило незаходимаго света стране нашей явился еси, Богоблаженне, / доблественне претерпев вражия озлобления, / биение и раны яко одежда нетления вменишася тебе, / со зверьми бо брався, и от человек злых прободения прияв, / о тех молился еси, не постави им греха сего, глаголя; / темже Владыце Христу уподобился еси, достохвальне Никандре, отче наш, / молися о душах наших.

Прмч. Галактиона Вологодского. Тропарь, глас 5.

Днесь град Вологда тобою всемирне хвалится, / возсиял бо еси пресветло яко солнце / и чудесы твоими град и веси, преподобне Галактионе, озарил еси. / И ныне молися Господеви / избавитися душам нашим от прелести вражия / спастися граду нашему от поганскаго и всех противных наития, / и испроси у Христа Бога любовию чтущим тя / прегрешений прощения / и просящим твоея помощи от всякия скорби избавление, и вопиющим к тебе: / Бог наш с нами, прославивый угодника Своего, яко же благоволи.

Мирожской иконы Богородицы. Тропарь, глас 4.

Яко звезда пресветла возсия в Российской земли / от иконы честнаго образа Твоего, Богородице Дево, / из обою очию текущи слезы Твоя, яко река, / и видевше народи псковскии, мужи и жены и с чады, / с плачем молящеся образу Твоему, сице глаголюще: / О Пресвятая Владычице Богородице, / не забуди грешных раб Твоих, / молящися Христу Богу нашему спастися нам.

Богослужебные указания:   [показать]