Воскресенье, 9 Октября 2061 года (26 Сентября 2061 по ст.ст.)
Неделя 19-я по Пятидесятнице, Глас вторый

+)Преставление апостола и евангелиста Иоанна Богослова (начало II). Свт. Тихона, патриарха Московского и всея Руси (прославление 1989). Прп. Ефрема Перекомского, Новгородского (1492). Прав. Гедеона, судии Израильского. Прп. Нила Россанского. Мц. Киры (Греч.).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Тропарь воскресный, глас 2.

Егда снизшел еси к смерти, Животе Безсмертный, / тогда ад умертвил еси блистанием Божества: / егда же и умершия от преисподних воскресил еси, / вся силы небесныя взываху: / Жизнодавче, Христе Боже наш, слава Тебе.

Богородичен, глас тойже.

Вся паче смысла,/ Вся преславная Твоя, Богородице, таинства,/ чистоте запечатанной, и девству храниму,/ Мати позналася еси неложна,/ Бога рождши истиннаго;/ Того моли спастися душам нашим.

Кондак, глас тойже.

Воскресл еси от гроба, Всесильне Спасе,/ и ад видев чудо, ужасеся,/ и мертвии восташа;/ тварь же видящи срадуется Тебе,/ и Адам свеселится,/ и мир, Спасе мой, воспевает Тя присно.

Апостола и евангелиста Иоанна Богослова. Тропарь, глас 2.

Апостоле Христу Богу возлюбленно, / ускори избавити люди безответныя, / приемлет тя припадающа. Иже падша на перси приемый. / Егоже моли, Богослове, / и належащую мглу языков разгнати, / прося нам мира и велия милости.

Свт. Тихона, патриарха Московского и всея Руси. Тропарь, глас 3.

В годину тяжкую Богом избранный / в совершенной святости и любви Бога прославил еси, / во смирении величие, в простоте и кротости силу Божию являя, / положил душу за Церковь, за люди своя, / исповедниче патриарше святе Тихоне, / моли Христа Бога, / Емуже сораспялся еси, / и ныне спасти землю Русскую и паству Твою.

Тропарь тому же святому (Прославление), глас 1.

Апостольских преданий ревнителя / и Христовы Церкве пастыря добраго, / душу свою за овцы положившаго, / жребием Божиим избранного / Всероссийскаго Патриарха Тихона восхвалим / и к нему с верою и упованием возопиим: / предстательством святительским ко Господу / Церковь Русскую в тишине соблюди, / расточенная чада ея во едино стадо собери, / отступившия от правыя веры к покаянию обрати, / страну нашу от междоусобныя брани сохрани / и мир Божий людем испроси.

Прп. Ефрема Перекомского, Новгородского. Тропарь, глас 4.

От юности твоея весь Богови поработился еси, блаженне: / и Того ради любве отечество и род оставил еси, / в пустыню вселився, в нейже жестокое житие показав, / и чудес дарования от Бога приял еси, Ефреме преподобне: / моли Христа Бога, да спасет души наша.

Богослужебные указания:   [показать]