Воскресенье, 28 Мая 1933 года (15 Мая 1933 по ст.ст.)
Неделя 7-я по Пасхе, Отцев I Вс.Собора, Глас шестый

Попразднство Вознесения Господня. Челнской иконы Божией Матери, именуемой "Умиление" (переходящее празднование в Неделю 7-ю по Пасхе). [.:] Прп. Пахомия Великого(348). [.:] Свт. Исаии, еп. Ростовского, чудотворца (1090). [.:] Блгв. царевича Димитрия, Угличского и Московского (день убиения) (1591). Прп. Исаии Печерского (1115). Прп. Пахомия Нерехтского (1384). Прпп. Евфросина и ученика его Серапиона, Псковских (1481). Прп. Ахиллия, еп. Ларисийского (ок. 330). Прп. Пахомия, игумена и прп. Сильвана (Силуана), Нерехтских. Тупической иконы Божией Матери. Прп. Макария (Иванова), Оптинского. Св. Варвара мироточивого, на о. Корфу (Греч.). Новомч. архиеп. Пахомия Черниговского (1938), брата его архиеп. Аверкия (1927), отца их иерея Николая (Кедрова) (1936), зятя их иерея Владимира (Загарского) (1937).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Вознесению Господню. Тропарь, глас 4.

Вознеслся еси во славе, Христе Боже наш, / радость сотворивый учеником / обетованием Святаго Духа, / извещенным им бывшим благословением, / яко Ты еси Сын Божий, Избавитель мира.

Кондак, глас 6.

Еже о нас исполнив смотрение,/ и яже на земли соединив небесным,/ вознеслся еси во славе, Христе Боже наш,/ никакоже отлучаяся,/ но пребывая неотступный,/ и вопия любящим Тя:/ Аз есмь с вами и никтоже на вы.

Тропарь воскресный, глас 6.

Ангельския силы на гробе Твоем / и стрегущии омертвеша, / и стояше Мария во гробе, / ищущи Пречистаго Тела Твоего. / Пленил еси ад, не искусйвся от него; / сретил есй Деву, даруяй живот. / Воскресый из мертвых. Господи, слава Тебе.

Богородичен, глас тойже.

Благословенную нарекий Твою Матерь,/ пришел еси на страсть вольным хотением,/ возсияв на Кресте, взыскати хотя Адама,/ глаголя Ангелом:/ срадуйтеся Мне, яко обретеся погибшая драхма./ Вся мудре устроивый, Боже наш, слава Тебе.

Кондак, глас тойже.

Живоначальною дланию/ умершия от мрачных удолий/ Жизнодавец воскресив всех Христос Бог,/ воскресение подаде человеческому роду:/ есть бо всех Спаситель,/ воскресение и живот, и Бог всех.

Прп. Пахомия Великого. Тропарь, глас 8.

Слез твоих теченьми пустыни безплодное возделал еси, / и иже из глубины воздыханьми во сто трудов уплодоносил еси, / и был еси светильник вселенней, сияя чудесы, Пахомие отче наш, / моли Христа Бога спастися душам нашим.

Прп. Пахомия Нерехтского. Тропарь, глас 1.

Житейских молв, преподобне, отвергся / и, яко птищ, обрете себе в пустыни безмолвие, / в молитвах и бдении прилежа Богови, / преподобне отче Пахомие, / и остави древнее пребывание, / и отыде в пустыню, и в ней водворися, / и состави обитель во Имя Пресвятыя Троицы, / и процвел еси, аки финикс, / и бысть образ утешения духовнаго. / Темже, преподобне Пахомие, / моли Пресвятую Троицу / спастися душам нашим.

Свт. Исаии, еп. Ростовского, чудотворца. Тропарь, глас 2.

В иноцех святыя лавры Печерския / благоискусен показавыйся / и во архиерейстем сане добр пастырь / своему стаду, Боголюбезне Исаие, бывый, / моли о нас Пастыреначальника Христа Бога / да помилует и спасет души наша.

Прп. Евфросина Псковского. Тропарь, глас 4.

Житейскую печаль и всяк мятеж мира сего / любве ради Христовы со дерзновением отвергл еси, блаженне, / и повеленная распятым Господем Иисусом Христом / вся исправил еси, / и, Того ярем взем, во всем воли Его повинулся еси, / и, благочестив делатель, животным заповедем Христовым / благотрудно прилежал еси. / И сего ради Бог прослави тя / и по преставлении чудеса показа от честнаго гроба твоя, / Темже и неоскудно угобзися обитель твоя, / и нищим бысть богатное пристанище и покров, / отче наш преподобне Евфросине, / моли Христа Бога, да спасет души наша.

Богослужебные указания:   [скрыть]

Богослужебные указания не определены