Воскресенье, 25 Января 2026 года (12 Января 2026 по ст.ст.)
Неделя 33-я по Пятидесятнице, Глас осьмый

Неделя по Богоявлении. Попразднство Богоявления. Мц. Татианы и с нею в Риме пострадавших (226-235). [.:] Свт. Саввы, архиеп. Сербского (1237). Прп. Мартиниана и Галактиона Белоезерских (1483). Мч. Петра Авессаломита (309-310). Мч. Мертия (284-305). Прп. Евпраксии Тавенисской (393). Икон Божией Матери, именуемых "Акафистная" и "Млекопитательница". Мч. Евфасии девы. Прп. Венедикта Бископа, игумена Веармаудского (689-690) (Кельт. и Брит.). 8 мчч. Никейских (Греч.). Св. Илии чудотворца, из "Рая" (Греч.).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Тропарь воскресный, глас 8.

С высоты снизшел еси, Благоутробне, / погребение приял еси тридневное, / да нас свободиши страстей, / Животе и воскресение наше. Господи, слава Тебе.

Богородичен, глас тойже.

Иже нас ради рождейся от Девы,/ и распятие претерпев, Благий,/ испровергий смертию смерть,/ и воскресение явлей яко Бог,/ не презри, яже создал еси рукою Твоею;/ яви человеколюбие Твое, Милостиве,/ приими рождшую Тя Богородицу молящуюся за ны; / и спаси, Спасе наш, люди отчаянныя.

Кондак, глас тойже.

Воскрес из гроба, умершия воздвигл еси,/ и Адама воскресил еси,/ и Ева ликует во Твоем воскресении,/ и мирстии концы торжествуют/ еже из мертвых востанием Твоим, Многомилостиве.

Тропарь Богоявлению, глас 1.

Во Иордане крещающуся Тебе, Господи, / троическое явися поклонение, / Родителев бо глас свидетельствоваше Тебе, / возлюбленного Тя Сына именуя, / и Дух в виде голубине, / извествоваше словесе утверждение. / Явлейся Христе Боже, / и мир просвещей, слава Тебе.

Кондак, глас 4.

Явился еси днесь вселенней,/ и свет Твой, Господи, знаменася на нас,/ в разуме поющих Тя:/ пришел еси, и явился еси,/ свет неприступный.

Прп. Мартиниана Белоезерского. Тропарь, глас 2.

Богу от юности, отче, избравшу и возлюбившу тя / и провидящу твое доброе произволение, / наставляет тя приити к преподобному Своему угоднику - / Кириллу всеблаженному, / от негоже наставлен бысть на путь спасения, / страхом Божиим, и чистотою душевною, и благоговением, / и непрестанными к Богу молитвами / во мнозе подвизе жизнь свою препроводил еси / и заповеди Божия непорочно соблюл еси, / пастырь и наставник иноком предивен был еси, / и ныне Престолу Христову со дерзновением предстоиши на Небесех, / со Ангелы светлоликовствуя, / отче преподобне, Мартиниане всеблаженне, / не престай молися Христу Богу / спасти и помиловати души наша.

Иконы Богородицы "Млекопитательница". Тропарь, глас 3.

Без семене от Божественнаго Духа, / волею же Отчею зачала еси Сына Божия, / от Отца без матере прежде век суща, / нас же ради из Тебе без отца бывша, / плотию родила еси / и Младенца млеком питала еси, / темже не престай молити / избавитися от бед душам нашим.

Богослужебные указания:   [скрыть]

Богослужебные указания не определены