Воскресенье, 11 Августа 2019 года (29 Июля 2019 по ст.ст.)
Неделя 8-я по Пятидесятнице, Глас седьмый

Мч. Каллиника (III-IV). Прпп. Константина и Космы Косинских, Старорусских (XIII). Мц. Серафимы девы Антиохийской (117-138). Мц. Феодотии и трех чад ее (304). Прмч. Михаила (IX). Мч. Евстафия Мцхетского (589) (Груз.). Свт. Константина, патр. Константинопольского. Прп. Романа, игумена Киржачского. Тамбовской иконы Божией Матери (1692). Св. Феодосия Нового, императора. Свт. Лупа Исповедника, еп. Тройского. Мч. Маманта, Дарийского. Прп. Боголепа, отрока схимонаха Астраханского. Св. Олафа, короля Норвегии (1030) (Кельт. и Брит.). Мчч. Вениамина и Верия, Константинопольских (Греч.). Новопрпмчч.: Серафима (Богословского) и Феогноста.

Пожалуйста, поддержите наш проект!

Утр. - Ев. 8-е, Ин., 64 зач., XX, 11-18. Лит. - 1 Кор., 124 зач., I, 10-18. Мф., 58 зач., XIV, 14-22.

Тропари и кондаки дня:   [скрыть]

Тропарь воскресный, глас 7.

Разрушил еси Крестом Твоим смерть, / отверзл еси разбойнику рай, / мироносицам плач преложил еси, / и апостолом проповедати повелел еси, / яко воскресл еси, Христе Боже, / даруяй мирови / велию милость.

Богородичен, глас тойже.

Яко нашего воскресения сокровище,/ на Тя надеющияся, Всепетая,/ от рова и глубины прегрешений возведи;/ Ты бо повинныя греху спасла еси,/ рождши Спасение наше; / яже прежде рождества Дева, и в рождестве Дева,/ и по рождестве паки пребываеши Дева.

Кондак, глас тойже.

Не ктому держава смертная/ возможет держати человеки:/ Христос бо сниде, сокрушая и разоряя силы ея;/ связуемь бывает ад,/ пророцы согласно радуются,/ предста, глаголюще, Спас сущим в вере:/ изыдите, вернии, в воскресение.

Прпп. Константина и Космы Косинских, Старорусских. Тропарь, глас 3.

Яко великаго во отцех Варлаама ученик, / прехвальне Константине, / и сам чадо послушания, блаженнаго Косму, возрастил еси, / темже, преподобнии, вкупе Престолу Владычню ныне предстоящии, / молитвами вашими в вере Православней нас утвердите, / в послушании Церкви Святей укрепите / и вся полезная душам нашим испросите.

Прп. Боголепа, отрока схимонаха Черноярского, Астраханского. Тропарь, глас 4.

От юности освящен бысть Господеви, / преподобне отче Боголепе, / мира сего красоту оставил еси, / желая древнему отечеству наследовати, / сохраняй град сей и люди, / с верою притекающия ко гробу твоему целебному, / просяще помощи и заступления, / да вси воспоим ти: / радуйся, отче Боголепе.

Прп. Романа, игумена Киржачского. Тропарь, глас 4.

От юности горячим желанием Божественныя любве разжигаемь, / житейския молвы оставль, преподобне, / ученик великого Сергия был еси, / безмолвием и жестоким пребыванием, / бдением и молитвою, постом последуя Христу; / сего ради избранием учителя твоего / священства сподобляешися от руки блаженнаго Алексия / и пастырь поставляешися обители, яже на Киржаче, / в нейже трудолюбно пожив, ко Господу отходиши, / Романе преподобне, / моли о нас Христа Бога, / со учителем твоим преподобным Сергием, / спастися душам нашим.

Тамбовской иконы Богородицы. Тропарь, глас 4.

Днесь светло красуется град Тамбов, / и святитель Христов Питирим радуется. / Сияет бо ныне чудесы икона Твоя, Владычице, / юже из первопрестольнаго града Москвы святитель принесе, / и дивное людем являет Твое заступление, / подающи исцеление всем, с верою к Тебе притекающим. / Темже умильно вопием Ти: / спасай нас иконою Твоею, / Дево Всепетая.

Богослужебные указания:   [скрыть]

Богослужебные указания не определены