Воскресенье, 20 Сентября 2020 года (7 Сентября 2020 по ст.ст.)
Неделя 15-я по Пятидесятнице, Глас шестый

Неделя пред Воздвижением. [.:] Предпразднство Рождества Пресвятой Богородицы. Мч. Созонта (ок. 304). [.:] Свт. Иоанна, архиеп. Новгородского (1186). Прмч. Макария Каневского, архим. Овручского, Переяславского (1678). Прп. Серапиона Псковского (1480). Апп. от 70-ти Евода (66) и Онисифора (после 67). Мч. Евпсихия (117-138). Прп. Луки (после 975). Прп. Макария Оптинского. Новосщмч. иерея Иоанна (Масловского) (1921). Прп. Клу (Клодоальда), игумена, основателя Ноген-сюр-Сен близ Парижа (Галл.).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Тропарь воскресный, глас 6.

Ангельския силы на гробе Твоем / и стрегущии омертвеша, / и стояше Мария во гробе, / ищущи Пречистаго Тела Твоего. / Пленил еси ад, не искусйвся от него; / сретил есй Деву, даруяй живот. / Воскресый из мертвых. Господи, слава Тебе.

Богородичен, глас тойже.

Благословенную нарекий Твою Матерь,/ пришел еси на страсть вольным хотением,/ возсияв на Кресте, взыскати хотя Адама,/ глаголя Ангелом:/ срадуйтеся Мне, яко обретеся погибшая драхма./ Вся мудре устроивый, Боже наш, слава Тебе.

Кондак, глас тойже.

Живоначальною дланию/ умершия от мрачных удолий/ Жизнодавец воскресив всех Христос Бог,/ воскресение подаде человеческому роду:/ есть бо всех Спаситель,/ воскресение и живот, и Бог всех.

Предпразднство Рождества Богородицы. Тропарь, глас 4.

От корене Иессеева и от чресл Давидовых, / Богоотроковица Мариам раждается днесь нам: / радостию бо радуются всяческая и обновляются. / Срадуйтеся купно, небо и земля, / восхвалите Ю отечествия языков. / Иоаким веселится и Анна торжествует, зовущи: / неплоды раждает Богородицу, и Питательницу Жизни нашея.

Свт. Иоанна, архиеп. Новгородского. Тропарь, глас 8.

Днесь светло красуется славнейший великий Новград, / имея мощи твоя в себе, святителю Иоанне, / яко солнечныя лучи испущающия, / и подающия исцеления, притекающим с верою к тебе. / Молися Христу Богу, избавити град сей невредим от варварскаго пленения, / и междоусобныя брани, и огненнаго запаления, / святителю Богомудре и чудоносче, / небесный человече, и земный ангеле: / да сошедшеся любовию в память твою, / светло празднуем, в песнех и пениих радующеся, / и Христа славяще, тебе таковую благодать даровавшаго исцелений, / и великому Новуграду заступление и утверждение.

Прп. Серапиона Псковского. Тропарь, глас 8.

Изрядством жития чистоту девства приим, Серапионе, / и вся красная мира сего возненавидев, / Христа Единаго возлюбил еси. / Сего ради во внутреннюю пустыню вселився и со зверьми живый, / весь Христов спостник и друг Евфросина учителя твоего был еси, / тем же и молим тя, поминай нас, чтущих святую память твою, да зовем ти: / радуйся, пустынныя похвало, преподобне отче наш.

Богослужебные указания:   [показать]