Воскресенье, 26 Января 2025 года (13 Января 2025 по ст.ст.)
Неделя 31-я по Пятидесятнице, Глас шестый

Неделя по Богоявлении. Попразднство Богоявления. Мчч. Ермила и Стратоника (ок. 315). Прп. Иринарха, затворника Ростовского (1616). Прп. Елеазара Анзерского (1656). Мч. Петра Анийского (309-310). Прп. Иакова, еп. Низибийского (350). Прп. Максима Капсокаливита, Афонского (Греч.). Мч. Афанасия Свт. Илария Пиктавийского, еп. Пуатье. Свт. Кентигерна (Мунго), еп. Глазго и Страфклайда (612) (Кельт. и Брит.). Мчч. Пахомия и Папирина, (Греч.).

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Тропарь воскресный, глас 6.

Ангельския силы на гробе Твоем / и стрегущии омертвеша, / и стояше Мария во гробе, / ищущи Пречистаго Тела Твоего. / Пленил еси ад, не искусйвся от него; / сретил есй Деву, даруяй живот. / Воскресый из мертвых. Господи, слава Тебе.

Богородичен, глас тойже.

Благословенную нарекий Твою Матерь,/ пришел еси на страсть вольным хотением,/ возсияв на Кресте, взыскати хотя Адама,/ глаголя Ангелом:/ срадуйтеся Мне, яко обретеся погибшая драхма./ Вся мудре устроивый, Боже наш, слава Тебе.

Кондак, глас тойже.

Живоначальною дланию/ умершия от мрачных удолий/ Жизнодавец воскресив всех Христос Бог,/ воскресение подаде человеческому роду:/ есть бо всех Спаситель,/ воскресение и живот, и Бог всех.

Тропарь Богоявлению, глас 1.

Во Иордане крещающуся Тебе, Господи, / троическое явися поклонение, / Родителев бо глас свидетельствоваше Тебе, / возлюбленного Тя Сына именуя, / и Дух в виде голубине, / извествоваше словесе утверждение. / Явлейся Христе Боже, / и мир просвещей, слава Тебе.

Кондак, глас 4.

Явился еси днесь вселенней,/ и свет Твой, Господи, знаменася на нас,/ в разуме поющих Тя:/ пришел еси, и явился еси,/ свет неприступный.

Прп. Иринарха, затворника Ростовского. Тропарь, глас 4.

Яко мученика добропроизвольна / и преподобных удобрение, / звезду Ростовскую, / в затворе, узах и веригах Господеви благоугодившаго / и чудес благодать от Него приемшаго, / Иринарха предивнаго песньми хвалебными почтим / и, к нему припадающе, умильно глаголем: / отче преподобне, моли Христа Бога / спастися душам нашим.

Прп. Елеазара Анзерского. Тропарь, глас 3.

Отверг плоти тленная, / нетленных потщался еси достигнути, / и, мира удалився, / вселился еси в морский остров, / и на нем усердно многа лета Господеви поработал еси, / сего ради и дары прозрения и чудес обогатился еси,/ отче преподобне Елеазаре. / Христа Бога моли даровати нам мир и велию милость.

Богослужебные указания:   [скрыть]

Богослужебные указания не определены