Воскресенье, 26 Августа 2001 года (13 Августа 2001 по ст.ст.)
Неделя 12-я по Пятидесятнице, Глас третий

Успенский пост. [.:] Отдание праздника Преображения Господня. Перенесение мощей прп. Максима Исповедника (662). Обретение мощей блж. Максима, Христа ради юродивого, Московского (ок. 1547). + Свт. Тихона, еп. Воронежского, Задонского чудотворца (1783). Мчч. Ипполита, Иринея, Авундия и мц. Конкордии в Риме (258). Минской (1500), "Умягчение злых сердец" ("Семистрельная") (1830) и именуемой "Страстная" (1641) икон Божией Матери. Прп. Серида, игумена Газского. Новосщмч. Вениамина, митр. Петроградского и иже с ним: архим. Сергия и мирян, Юрия и Иоанна (1921). Императрицы Ирины (в мон. Ксении). Св. Евдокии, императрицы, супруги Феодосия Юнейшего. Прп. Радегунды из Пуатье (Галл.). Прп. Дорофея Газского (Греч.). Новосщмч. Василия (Преображенского), еп. Кинешемского.

Пожалуйста, поддержите наш проект!

Чтения на этот год не определены

Тропари и кондаки дня:   [скрыть]

Тропарь воскресный, глас 3.

Да веселятся небесная, / да радуются земная, / яко сотвори державу / мышцею Своею Господь, / попра смертию смерть, / первенец мертвых бысть; / из чрева адова избави нас, / и подаде мирови велию милость.

Богородичен, глас тойже.

Тя Ходатайствовавшую спасение рода нашего,/ воспеваем, Богородице Дево:/ плотию бо от Тебе восприятую Сын Твой и Бог наш,/ Крестом восприим страсть,/ избави нас от тли яко Человеколюбец.

Кондак, глас тойже.

Воскресл еси днесь из гроба, Щедре,/ и нас возвел еси от врат смертных;/ днесь Адам ликует, и радуется Ева,/ вкупе же и пророцы с патриархи воспевают непрестанно/ Божественную державу власти Твоея.

Преображению Господню. Тропарь, глас 7.

Преобразился еси на горе, Христе Боже, / показавый учеником Твоим славу Твою, / якоже можаху: / да возсияет и нам грешным / свет Твой присносущный, / молитвами Богородицы, / Светодавче, слава Тебе.

Кондак, глас тойже.

На горе преобразился еси,/ и якоже вмещаху ученицы Твои/ славу Твою, Христе Боже, видеша:/ да егда Тя узрят распинаема,/ страдание убо уразумеют вольное,/ мирови же проповедят,/ яко Ты еси воистинну Отчее сияние.

Свт. Тихона, еп. Воронежского, Задонского чудотворца. Тропарь, глас 4.

Православия наставниче, благочестия учителю, / покаяния проповедниче, Златоустаго ревнителю, / пастырю предобрый, / новый России светильниче и чудотворче, / паству твою добре упасл еси / и писаньми твоими вся ны наставил еси, / темже венцем нетления / украшен от Пастыреначальника, / моли Его спастися душам нашим.

Минской иконы Богородицы. Тропарь, глас 5.

На древе крестнем явилася еси, Пренепорочная Отроковице, от Царьграда и Киева / Богоспасаемому граду Минску милость показавши. / Просвети нас, грешных, сиянием Своим, / яви, яко присно, силу Свою, / спаси нас предстательством Своим / и избавляй от навет вражиих, / Тя бо Необоримую Стену и едину Надежду имамы.

Иконы Богородицы "Умягчение злых сердец" ("Семистрельная"). Тропарь, глас 5.

Умягчи наша злая сердца, Богородице, / и напасти ненавидящих нас угаси, / и всякую тесноту души нашея разреши, / на Твой бо святый образ взирающе, / Твоим страданием и милосердием о нас умиляемся / и раны Твоя лобызаем, / стрел же наших, Тя терзающих, ужасаемся. / Не даждь нам, Мати Благосердая, / в жестокосердии нашем и от жестокосердия ближних погибнути, / Ты бо еси воистину злых сердец умягчение.

Страстной иконы Богородицы. Тропарь, глас 4.

Днесь возсия неизреченно царствующему граду нашему Москве / икона Богоматере, / и, яко светозарным солнцем, пришествием тоя озарися весь мир, / Небесныя силы и души праведных мысленно торжествуют, радующеся, / мы же, на ню взирающе, к Богородице со слезами вопием: / о Всемилостивая Госпоже, Владычице Богородице, / молися из Тебе воплощенному Христу, Богу нашему, / да подаст мир и здравие всем Христианом / по велицей и неизреченней Своей милости.

Новосщмч. Василия (Преображенского), еп. Кинешемского. Тропарь, глас 8.

Днесь колена разслаблена укрепляются, / изнемогшия руце на молитву простираются, /очеса умилением орошаются, / слухи же псалмы и песньми оглашаются, / се бо к нам во славе приходит Христов свидетель верный, / Василий Царственный и Всеблаженный, / лжи и злобы победитель, Златоустов подражатель и веры ревнитель, / темже образ подает верным спасения, / и молится о иже верою и любовию чтущих память его.

Богослужебные указания:   [скрыть]

Богослужебные указания не определены