Воскресенье, 3 Марта 2019 года (18 Февраля 2019 по ст.ст.)
Неделя о Страшном Суде (мясопустная), Глас седьмый

Заговенье на мясо. Свт. Льва, папы Римского (461). Свт. Агапита исп., еп. Синадского (IV). Свт. Флавиана исп., патриарха Цареградского (449-450). Прп. Космы Яхромского (1492). Свт. Агапита, еп. Синадского, Фригийского, и мчч. Виктора, Дорофея, Феодула и Агриппы, при Ликинии пострадавших. Свт. Колмана, еп. Ландисфарнского (676) (Кельт. и Брит.). Мчч. Льва и Паригория, иже в Патаре Ликийском (Греч.). Новомчч. пресв. Александра (Медведского) (1931) и иером. Вениамина (1938).

Пожалуйста, поддержите наш проект!

Утр. - Ев. 7-е, Ин., 63 зач., XX, 1-10. Лит. - 1 Кор., 140 зач., VIII, 8 - IX, 2. Мф., 106 зач., XXV, 31-46.

Тропари и кондаки дня:   [скрыть]

Тропарь воскресный, глас 7.

Разрушил еси Крестом Твоим смерть, / отверзл еси разбойнику рай, / мироносицам плач преложил еси, / и апостолом проповедати повелел еси, / яко воскресл еси, Христе Боже, / даруяй мирови / велию милость.

Богородичен, глас тойже.

Яко нашего воскресения сокровище,/ на Тя надеющияся, Всепетая,/ от рова и глубины прегрешений возведи;/ Ты бо повинныя греху спасла еси,/ рождши Спасение наше; / яже прежде рождества Дева, и в рождестве Дева,/ и по рождестве паки пребываеши Дева.

Кондак, глас тойже.

Не ктому держава смертная/ возможет держати человеки:/ Христос бо сниде, сокрушая и разоряя силы ея;/ связуемь бывает ад,/ пророцы согласно радуются,/ предста, глаголюще, Спас сущим в вере:/ изыдите, вернии, в воскресение.

Свт. Льва, папы Римского. Тропарь, глас 8.

Православия наставниче, / благочестия учителю и чистоты, / вселенныя светильниче, архиереев Богодухновенное удобрение, / Льве премудре, / ученьми твоими вся просветил еси, цевнице духовная. / Моли Христа Бога спастися душам нашим.

Прп. Космы Яхромского. Тропарь, глас 4.

Горняго желая премирнаго жития, / дольняя возненавидел еси, / и, взем крест свой, последовал еси Христу, / и в пустыню вселился еси, досточудне, / в ней подвизася в пениих, в бдениих и пощениих. / Темже в тя вселися Пресвятый Дух, / но яко имея дерзновение ко Христу Богу, / испроси людем православным здравие и спасение / и не забуди посещая чад своих, / совершающих священную память твою, / Космо, преподобне отче наш.

Богослужебные указания:   [показать]