к~f. Ст~ы'я прп\дбномч~нцы а=настасi'и ри'мляныни: И= прп\дбнагw _о=тца` на'шегw затво'рника.

Тропа'рь мч~нцы, гла'съ д~:

А='гница твоя`, i=и~се, а=настасi'а, зове'тъ ве'лiимъ гла'сомъ: тебе` женише` мо'й люблю`, и= тебе` и='щущи страда'льчествую, и= сраспина'юся, и= спогреба'юся кр~ще'нiю твоему`, и= стражду` тебе` ра'ди, jа='кw да ца'рствую въ тебjь`, и= о_у=мира'ю за тя`, да и= живу` съ тобо'ю: но jа='кw же'ртву непоро'чную прiими' мя, съ любо'вiю поже'ршуюся тебjь`. тоя` мл~твами, jа='кw ми'лостивъ сп~си` ду'шы на'шя.

Сла'ва, прп\дбнагw, гла'съ и~:

Въ тебjь`, _о='тче, и=звjь'стнw сп~се'ся _е='же по w='бразу: прiи'мъ бо кр\стъ послjь'довалъ _е=си` хр\сту`, и= дjь'я о_у=чи'лъ _е=си` презира'ти о_у='бw пло'ть, прехо'дитъ бо: прилjьжа'ти же w= души`, ве'щи безсме'ртнjьй: тjь'мже и= со а='гг~лы сра'дуется, прп\дбне а=вра'мiе дх~ъ тво'й.

Конда'къ мч~нцы, гла'съ г~. Подо'бенъ: Дв~а дне'сь:

Дjь'вства вода'ми w=чище'на прп\дбная, му'ченичества кровьми`, а=настасi'е, вjьнча'вшися, подае'ши су'щымъ въ ну'ждахъ, неду'гwвъ и=сцjьле'нiе и= сп~се'нiе, приступа'ющымъ w\т се'рдца: крjь'пость бо тебjь` подае'тъ хр\сто'съ, и=сточа'яй бл~года'ть приснотеку'щую,

Конда'къ а=вра'мiя, гла'съ г~. Подо'бенъ: Дв~а дне'сь:

Во пло'ти jа='кw а='гг~лъ на земли` jа=ви'лся _е=си`, и= поще'нiемъ бы'лъ _е=си` jа='кw дре'во насажде'нное, водо'ю воздержа'нiя до'брjь возрасти'вся, тече'ньми твои'хъ сле'зъ скве'рну w=мы'въ: сегw` ра'ди jа=ви'лся _е=си` прiя'телище бж~е'ственное, а=вра'мiе, дх~а.

Въ то'йже де'нь преставле'нiе прп\дбнагw _о=тца` на'шегw а=вра'мiа, а=рхiмандрi'та бг~оявле'нскагw, росто'вскагw чудотво'рца.

Тропа'рь, гла'съ а~:

Просвjьти'вся бж~е'ственною бл~года'тiю, невjь^рныя лю'ди наста'вилъ _е=си` къ свjь'ту бг~оразу'мiя: и= по сме'рти сiя'я свjь'тлостiю житiя` твоегw`, и=сточа'еши и=сцjьл_е'нiя притека'ющымъ съ вjь'рою къ ра'цjь моще'й твои'хъ, а=вра'мiе _о='тче на'шъ, хр\ста` бг~а моли`, дарова'ти на'мъ ве'лiю мл\сть.

Конда'къ, гла'съ в~:

И='го хр\сто'во прiе'мъ, а=вра'мiе, и= тогw` кр\стъ на ра'мо взе'мъ, послjь'довалъ _е=си` _е=му`: насажде'нъ бы'въ въ дому` гд\сни, и= процвjь'лъ _е=си` jа='кw фi'нi_ксъ, и= jа='кw ке'дръ, и='же въ лiва'нjь, о_у=мно'жилъ _е=си` ча^да твоя^, му'жъ жела'нiй дх~о'вныхъ: w\т возлю'бленнагw же а=п\сла i=wа'нна бг~осло'ва бл~года'ть воспрiи'мъ, жезло'мъ сокруши'лъ _е=си` i='дwла, и= разсы'палъ _е=си` _е=го` jа='кw пра'хъ, и= чудотво'рецъ о_у='бw ве'лiй jа=ви'лся _е=си`, прп\дбне. тjь'мже хр\ста` бг~а моли` непреста'ннw w= всjь'хъ на'съ.