в~. Во ст~ы'хъ _о=тца` на'шегw а=fана'сiа вели'кагw, патрiа'рха а=ле_ксандрi'йскагw.

Тропа'рь, гла'съ г~:

Сто'лпъ бы'лъ _е=си` правосла'вiя, бж~е'ственными догма'ты подтвержда'я цр~ковь сщ~еннонача'льниче а=fана'сiе: _о=ц~у' бо сн~а _е=диносу'щна проповjь'давъ, посрами'лъ _е=си` а='рiа. _о='тче прп\дбне, хр\ста` бг~а моли`, дарова'ти на'мъ ве'лiю мл\сть.

Конда'къ, гла'съ в~. Подо'бенъ. Крове'й твои'хъ:

Правосла'вiя насади'въ о_у=ч_е'нiя, sлосла'вiя т_е'рнiя и=зсjь'клъ _е=си`, о_у=мно'живъ сjь'мя вjь'ры, w=дожде'нiемъ дх~а прп\дбне: тjь'мже тя` пое'мъ а=fана'сiе.