к~. Предпра'зднство по пло'ти рж\ства` гд\са бг~а и= сп~са на'шегw i=и~са хр\ста` : И= ст~а'гw сщ~енномч~нка i=гна'тiа бг~оно'сца:

Тропа'рь ст~а'гw, гла'съ д~:

И= нра'вwмъ прича'стникъ, и= пр\сто'лwмъ намjь'стникъ а=п\слwмъ бы'въ, дjья'нiе w=брjь'лъ _е=си` бг~одохнове'нне, въ видjь'нiя восхо'дъ: сегw` ра'ди сло'во и='стины и=справля'я, и= вjь'ры ра'ди пострада'лъ _е=си` да'же до кро'ве, сщ~енномч~нче i=гна'тiе, моли` хр\ста` бг~а сп~сти'ся душа'мъ на'шымъ.

Сла'ва, и= ны'нjь, предпра'зднства, гла'съ то'йже:

Гото'вися виfлее'ме, w\тве'рзися всjь^мъ _е=де'ме. красу'йся _е=vфра'fо: jа='кw дре'во живота` въ верте'пjь процвjьте` w\т дв~ы: ра'й бо _о='ноя чре'во jа=ви'ся мы'сленный, въ не'мже бж~е'ственный са'дъ: w\т негw'же jа='дше, жи'ви бу'демъ, не jа='коже а=да'мъ о_у='мремъ. хр\сто'съ ражда'ется пре'жде па'дшiй возста'вити w='бразъ.

Конда'къ предпра'зднства, гла'съ г~. Подо'бенъ: Дв~а дне'сь:

Дв~а дне'сь превjь'чное сло'во въ верте'пjь гряде'тъ роди'ти неизрече'ннw: лику'й вселе'нная о_у=слы'шавши, просла'ви со а='гг~лы и= па'стырьми хотя'щаго jа=ви'тися _о=троча` мла'до, превjь'чнаго бг~а.

Конда'къ ст~а'гw, гла'съ г~. Подо'бенъ: Дв~а дне'сь:

Свjь'тлыхъ пw'двигъ твои'хъ свjьтоно'сный де'нь, предпроповjь'дуетъ всjь^мъ въ верте'пjь рожде'ннаго: сегw' бо жажда'я w\т любве` наслади'тися, потща'лся _е=си` w\т sвjьре'й снjь'денъ бы'ти. сегw` ра'ди и= бг~оно'сецъ наре'клся _е=си`, i=гна'тiе всему'дре.

Конда'къ, гла'съ а~. Подо'бенъ: Ли'къ а='гг~льскiй:

Весели'ся, виfлее'ме, _е=vфра'fо гото'вися: се' бо а='гница па'стыря вели'каго во о_у=тро'бjь нося'щи, _е='же роди'ти тщи'тся. _е=го'же зря'ще, бг~оно'снiи _о=тцы` веселя'тся, съ па'стырьми пою'ще дв~у доя'щую.