f~. Ст~ы'хъ мч~нкъ, _о=нiсi'фора и= порфv'рiа: И= прп\дбныя ма'тере на'шея матрw'ны: И= прп\дбныя fеоктi'сты, jа='же w\т ле'звы.

Тропа'рь, гла'съ д~:

Мч~нцы твои` гд\си, во страда'нiихъ свои'хъ вjьнцы` прiя'ша нетлjь^нныя w\т тебе` бг~а на'шегw: и=му'ще бо крjь'пость твою` мучи'телей низложи'ша, сокруши'ша и= де'мwнwвъ немощны^я де'рзwсти. тjь'хъ моли'твами сп~си` ду'шы на'шя.

Сла'ва, прп\дбныя, гла'съ и~:

Въ тебjь` ма'ти и=звjь'стнw сп~се'ся _е='же по w='бразу: прiи'мши бо кр\стъ, послjь'довала _е=си` хр\сту`, и= дjь'ющи о_у=чи'ла _е=си` презира'ти о_у='бw пло'ть, прехо'дитъ бо, прилjьжа'ти же w= души` ве'щи безсме'ртнjьй: тjь'мже и= со а='гг~лы сра'дуется, прп\дбная fеоктi'сто, ду'хъ тво'й.

Конда'къ прп\дбныя, гла'съ в~. Подо'бенъ: Бл~года'ть прiи'мше:

За любо'вь гд\сню предподо'бная матрw'но, поко'я жела'нiе возненави'дjьла _е=си`, поще'нiемъ дх~ъ тво'й просвjьти'вши. но твои'ми мл~твами и= проти'вныхъ шата^нiя разори`: крjь'пкw бо sвjь'ри побjьди'ла _е=си`.

Конда'къ мч~нкwвъ, гла'съ в~: Подо'бенъ: Вы'шнихъ и=щя`:

Му'ч_еникъ дво'ица пострада'вше крjь'пкw, вра'жiю горды'ню на зе'млю низложи'сте, w=зари'вшеся бл~года'тiю несозда'нныя тр\оцы, сла'внiи _о=нiсi'форе и= порфv'рiе, моли'теся непреста'ннw w= всjь'хъ на'съ.