д~_i. Ст~ы'хъ му'ч_еникъ, наза'рiа, герва'сiа, прота'сiа и= келсi'а:

Тропа'рь, гла'съ д~:

Мч~нцы твои` гд\си, во страда'нiихъ свои'хъ вjьнцы` прiя'ша нетлjь^нныя w\т тебе` бг~а на'шегw: и=му'ще бо крjь'пость твою` мучи'телей низложи'ша, сокруши'ша и= де'мwнwвъ немощны^я де'рзwсти. тjь'хъ моли'твами сп~си` ду'шы на'шя.

Конда'къ мч~нкwвъ, гла'съ в~. Подо'бенъ: Вы'шнихъ и=щя`:

Свjьти'льницы свjь'тлiи jа='вльшеся бж~е'ственнiи мч~нцы, тва'рь свjь'томъ чуде'съ w=заря'ете, неду'гwвъ разрjьша'юще глубо'кую но'щь всегда`, и= хр\сту` _е=ди'ному бг~у моля'щеся непреста'ннw w= всjь'хъ на'съ.

И= прп\дбныя параске'vи.

Тропа'рь, гла'съ д~:

Пусты'нное и= безмо'лвное житiе` возлюби'вши, и= во слjь'дъ хр\ста` жениха` твоегw` о_у=се'рднw поте'кши, и= тогw` бл~го'е и='го во ю='ности твое'й взе'мши, кр\стнымъ зна'менiемъ къ мы'сл_еннымъ врагw'мъ му'жески воwружи'вшися, по'стническими по'двиги, посто'мъ и= мл~твами, и= сле'зными ка'плями о_у='глiе страсте'й о_у=гаси'ла _е=си`, достосла'вная параске'vо: и= ны'нjь въ нб\снjьмъ черто'зjь съ му'дрыми дjь'вами предстоя'щи хр\сту`, моли` w= на'съ почита'ющихъ честну'ю па'мять твою`.

Конда'къ, гла'съ s~:

Ст~у'ю вси` засту'пницу су'щымъ въ бjьда'хъ, бл~гоче'стнw воспои'мъ параске'vу всечестну'ю: та' бо житiе` w=ста'вльши тлjь'нное, и= нетлjь'емое прiя'тъ во вjь'ки. сегw` ра'ди сла'ву w=брjь'те, чуде'съ бл~года'ть, бж~iимъ велjь'нiемъ.