к~д. Ст~ы'я великомч~нцы _е=катерi'ны: И= ст~а'гw великомч~нка мерку'рiа:

Тропа'рь, гла'съ д~:

А='гница твоя`, i=и~се, _е=катерi'на, зове'тъ ве'лiимъ гла'сомъ: тебе` женише` мо'й люблю`, и= тебе` и='щущи страда'льчествую, и= сраспина'юся, и= спогреба'юся кр~ще'нiю твоему`, и= стражду` тебе` ра'ди, jа='кw да ца'рствую въ тебjь`, и= о_у=мира'ю за тя`, да и= живу` съ тобо'ю: но jа='кw же'ртву непоро'чную прiими' мя, съ любо'вiю поже'ршуюся тебjь`. тоя` мл~твами, jа='кw ми'лостивъ сп~си` ду'шы на'шя.

И=ли` се'й, гла'съ то'йже:

Добродjь'тельми jа='кw луча'ми со'лнечными просвjьти'ла _е=си` невjь^рныя мудрецы`, и= jа='коже пресвjь'тлая луна` ходя'щымъ въ нощи` невjь'рiя тьму` w\тгна'ла _е=си`, и= цари'цу о_у=вjь'рила _е=си`, вку'пjь же и= мучи'теля w=бличи'ла _е=си`, бг~озва'нная невjь'сто, бл~же'нная _е=катерi'но. жела'нiемъ востекла` _е=си` въ нб\сный черто'гъ къ прекра'сному жениху` хр\сту` и= w\т негw` ца'рскимъ вjьнце'мъ вjьнча'лася _е=си`: _е=му'же со а='гг~лы предстоя'щи, за ны` моли'ся, творя'щыя преч\стну'ю па'мять твою`.

Сла'ва, мерку'рiа, гла'съ то'йже:

Мч~нкъ тво'й гд\си, мерку'рiй, во страда'нiи свое'мъ вjьне'цъ прiя'тъ нетлjь'нный w\т тебе` бг~а на'шегw: и=мjь'яй бо крjь'пость твою`, мучи'телей низложи`, сокруши` и= де'монwвъ немощны'я де'рзwсти: тогw` мл~твами сп~си` ду'шы на'шя.

Пото'мъ конда'къ мерку'рiа, гла'съ д~. Подо'бенъ: JА=ви'лся _е=си`:

Во бране'хъ непобjьди'маго во'ина, и= въ бjьда'хъ непосты'дна засту'пника, пjь'сньми мерку'рiа о_у=блажи'мъ, сла'вяще: пра'зднующыя бо па'мять _е=гw` ве'селw, w\т бjь'дъ и=збавля'етъ и= скорбе'й.

Конда'къ _е=катерi'ны, гла'съ в~. Подо'бенъ: Вы'шнихъ и=щя`:

Ли'къ ч\стны'й бж~е'ственнjь мч~нколю'бцы воздви'гните ны'нjь, почита'юще всему'друю _е=катерi'ну: сiя' бо въ три'знищи хр\ста` проповjь'да, и= sмi'я попра`, ри'торwвъ ра'зумы о_у=кроти'вши.

Въ то'йже де'нь ст~а'гw мч~нка мерку'рiа смоле'нскагw.

Тропа'рь, гла'съ д~:

Мч~нкъ тво'й гд\си, мерку'рiй, во страда'нiи свое'мъ вjьне'цъ прiя'тъ нетлjь'нный w\т тебе` бг~а на'шегw: и=мjь'яй бо крjь'пость твою`, мучи'телей низложи`, сокруши` и= де'монwвъ немощны'я де'рзwсти: тогw` мл~твами сп~си` ду'шы на'шя.

Конда'къ, гла'съ то'йже:

JА=ви'ся во бране'хъ непобjьди'мь во'инъ, w\т ри'млянъ ро'домъ, сыновство` и=мjь` гра'да смоле'нска: jа='кw бо си'хъ ра'ди нарече'ся, jа='кw w\т бц\ды стра'жъ крjь'покъ посла'ся гра'ду, пjь'сньми мерку'рiа о_у=бл~жи'мъ, пра'зднующе ве'селw па'мять _е=гw`, jа='кw да и=зба'витъ гра'дъ на'шъ w\т бjьды` ра^тникъ.