к~и. Ст~а'гw прп\дбномч~нка стефа'на но'вагw: И= ст~а'гw мч~нка i=рина'рха.

Стiхи^ры прп\дбнагw на s~, гла'съ s~. Подо'бенъ: Всю` w\тложи'вше: Сла'ва, гла'съ то'йже, самогла'сенъ: W\т младе'нства бг~у: На стiхо'внjь _о=ктw'иха. Сла'ва, гла'съ и~: _Е='же по w='бразу: Тропа'рь, гла'съ д~: По'стнически предподвиза'вся на горjь`: _о=ктw'врiа въ з~_i де'нь. [зри`] Мч~нка же i=рина'рха слу'жба пое'тся на повече'рiи. На о_у='трени, _о='ба канw'на _о=ктw'иха, без\ъ мч~нчнwвъ: и= ст~а'гw на s~, гла'съ s~. По г~-й пjь'сни,

Конда'къ, гла'съ и~. Подо'бенъ: Взбра'нной:

Тр\оцы рачи'теля, и= бж~е'ственнаго стефа'на восхва'лимъ вjь'рнw, пjь'сньми празднолю'бцы w\т се'рдца, jа='кw почествова'вша начерта'нiе кра'сное вл\дки, и= ма'тере _е=гw`: и= согла'снw ны'нjь w\т любве` возопiи'мъ _е=му`, ра'дующеся: ра'дуйся, _о='тче присносла'вне.

Та'же сjьда'ленъ, гла'съ а~, два'жды. По s~-й пjь'сни,

Конда'къ, гла'съ г~. Подо'бенъ: Дв~а дне'сь:

И=з\ъ непло'дна, преподо'бне, ко'рене, возрасте` вjь'твь, первострада'льцу тезоимени'те, мона'хwвъ наста'вникъ вели'къ, _о='тче, jа=ви'лся _е=си`, и= jа='рости не о_у=боя'вся царя`, не хотя'ща хр\сто'въ чествова'ти w='бразъ: сегw` ра'ди сконча'вся. му'ченическiй вjьне'цъ прiя'лъ _е=си`, стефа'не.

И= i='косъ. По f~-й пjь'сни, свjьти'ленъ _о=ктw'иха. Сла'ва, ст~а'гw. На стiхо'внjь _о=ктw'иха. На лiтургi'и, блаж_е'нна _о=ктw'иха, на д~, и= ст~а'гw пjь'снь г~-я, на д~. Прокi'менъ, гла'съ и~: Восхва'лятся преподо'бнiи во сла'вjь: Стi'хъ: Воспо'йте гд\севи пjь'снь но'ву: А=по'столъ къ тiмоfе'ю, зача'ло сч~а: Не постыди'ся о_у='бw стр\стiю гд\са на'шегw i=и~са хр\ста`: А=ллилу'iа, гла'съ и~: Блаже'нъ му'жъ боя'йся гд\са: Стi'хъ: Си'льно на земли` бу'детъ: _Е=v\глiе матfе'а, зача'ло л~з: _Е=гда` го'нятъ вы` во гра'дjь се'мъ: Прича'стенъ: Въ па'мять вjь'чную бу'детъ пра'ведникъ: