к~и. Прп\дбнагw _о=тца` на'шегw нiки'ты, _е=п\скпа халкидо'нскагw.

А=ллилу'iа, и=ли` тропа'рь. Стiхи^ры, гла'съ д~. Подо'бенъ: JА='кw до'бля: Сла'ва, и= ны'нjь, пра'здника, и=ли` бг~оро'диченъ:

Тропа'рь, гла'съ д~:

Пра'вило вjь'ры и= w='бразъ кро'тости, воздержа'нiя о_у=чи'теля jа=ви' тя ста'ду твоему`, jа='же веще'й и='стина: сегw` ра'ди стяжа'лъ _е=си` смире'нiемъ высw'кая, нището'ю бога^тая, _о='тче нiки'то, моли` хр\ста` бг~а сп~сти'ся душа'мъ на'шымъ.

На о_у='трени, канw'нъ, гла'съ д~. По г~-й пjь'сни, сjьда'ленъ, гла'съ д~. По s~-й пjь'сни,

Конда'къ, гла'съ и~. Подо'бенъ: Взбра'нной:

Свjь'тлостiю дjь'лъ твои'хъ просiя'лъ _е=си` прп\дбне, а=п\сльскагw престо'ла наслjь'дникъ бы'лъ _е=си` нiки'то: и= jа='кw со'лнце w=блиста'лъ _е=си` твое'й па'ствjь _о='тче, вся^ бж~е'ственныхъ о_у=че'нiй и=спо'лнь. тjь'мже зове'мъ ти`: ра'дуйся халкидо'ну о_у=добре'нiе.

Въ то'йже де'нь па'мять ст~а'гw i=гна'тiа _е=п\скпа, росто'вскагw чудотво'рца.

Соверша'ется собо'ръ _е=гw`, и=дjь'же лежа'тъ мо'щи _е=гw`.

Тропа'рь, гла'съ д~:

Бл~говjь'рiя просвjь'щься о_у=че'нiи, ст~и'тельства прiе'мъ па'ству, и= а=п\слwмъ наслjь'дникъ бы'въ: тjь'мъ прiя'лъ _е=си` w\т бг~а да'ръ чуде'съ, ст~и'телю _о='тче i=гна'тiе, моли` хр\ста` бг~а, да сп~се'тъ ду'шы на'шя.

Конда'къ, гла'съ д~. Подо'бенъ: JА=ви'лся _е=си`:

JА=ви'ся дне'сь пресвjь'тлая па'мять твоя`, ст~и'телю пребл~же'нне i=гна'тiе, въ мi'рjь свjь'тлw сiя'ющи и= jа=вля'ющи всjь^мъ бж~е'ственное сiя'нiе.