к~f. Ст~ы'я прп\дбномч~нцы fеодо'сiи дjьви'цы.

Тропа'рь, гла'съ д~:

Добродjь'тель бл~гопрiя'тнw мч~нце пости'гла _е=си`, хр\сто'во прiя'телище бы'вши чи'стое, и= ст~а'гw дх~а до'мъ возлю'бленъ: w\тню'дуже посрами'ла _е=си` врага` борю'щаго ро'дъ человjь'ческiй, до'брjь страда'вшая, и= посjь'кла _е=си` копрwнv'ма fеодо'сiе, мече'мъ вjь'ры: и= къ черто'гу нб\сному преста'вилася _е=си` ра'дующися. тебе` вjь'рою чту'щымъ при'снw проси` ве'лiя мл\сти.

Конда'къ, гла'съ в~. Подо'бенъ: Вы'шнихъ и=щя`:

Труда'ми живо'тъ нетру'дный дости'гла _е=си`, кро'вiю же копрwнv'ма о_у=дави'ла _е=си` мч~нце, скве'рнаго врага` хр\сто'вы це'ркве, всебл~же'нная fеодо'сiе: и= съ вы'шними ра'дуешися во'инствы, чту'щыя па'мять твою` покрыва'ющи.

Въ то'йже де'нь преставле'нiе ст~а'гw и= бл~же'ннагw i=wа'нна, хр\ста` ра'ди ю=ро'дивагw, о_у='стюжскагw чудотво'рца:

Тропа'рь, гла'съ _е~:

Нагото'ю тjьле'сною и= терпjь'нiемъ w=бнажи'лъ _е=си` вра^жiя кова^рствiя, w=блича'я неподо'бное _е=гw` дjья'нiе, sjь'льнjь стражда` со'лнечный ва'ръ, и= ну^жныя вели^кiя сту'д_ени мра'за и= _о=гня` не чу'лъ _е=си`, бж~iею по'мощiю покрыва'емь, i=wа'нне прему'дре, моли` w= вjь'рою творя'щихъ па'мять твою` че'стнw, и= о_у=се'рднw притека'ющихъ къ ра'цjь моще'й твои'хъ, и=зба'витися w\т бjь'дъ, и= паде'нiя и=збjьжа'ти.

Конда'къ, гла'съ и~:

Вы'шнiя красоты` жела'я, ни'жнiя сла'дости тjьле'сное jа=де'нiе тща'тельнw w=ста'вилъ _е=си`, нестяжа'нiемъ су'етнагw мi'ра, возлюби'лъ _е=си` а='гг~льское житiе`. преходя` сконча'вся i=wа'нне бл~же'нне: съ ни'миже моли` хр\ста` бг~а непреста'ннw w= всjь'хъ на'съ.