д~. Ст~а'гw сщ~енномч~нка вавv'лы. _е=пi'скопа вели'кiя а=нтiохi'и: И= ст~а'гw пр\оро'ка и= бг~ови'дца мwv"се'а.

На Гд\си воззва'хъ, стiхи^ры на s~. Вавv'лы, г~: гла'съ s~. Подо'бенъ: Всю` w\тложи'вше: И= пр\оро'ка, г~: гла'съ д~. Подо'бенъ: Зва'нный свы'ше: Сла'ва, вавv'лы, гла'съ s~. Самогла'сенъ: Восхо'дный степе'нь: И= ны'нjь, бг~оро'диченъ, и=ли` кр\стобг~оро'диченъ. На стiхо'внjь _о=ктw'иха: Сла'ва, ст~а'гw, гла'съ s~: Суди'щу мучи'телеву: И= ны'нjь, бг~оро'диченъ.

Тропа'рь вавv'лы, гла'съ д~:

И= нра'вwмъ прича'стникъ, и= пр\сто'лwмъ намjь'стникъ а=п\слwмъ бы'въ, дjья'нiе w=брjь'лъ _е=си` бг~одохнове'нне, въ видjь'нiя восхо'дъ: сегw` ра'ди сло'во и='стины и=справля'я, и= вjь'ры ра'ди пострада'лъ _е=си` да'же до кро'ве, сщ~енномч~нче вавv'ло, моли` хр\ста` бг~а сп~сти'ся душа'мъ на'шымъ.

Сла'ва, тропа'рь пр\оро'ка, гла'съ в~:

Пр\оро'ка твоегw` мwv"се'а па'мять, гд\си, пра'зднующе, тjь'мъ тя` мо'лимъ, сп~си` ду'шы на'шя.

И=ли` се'й, гла'съ то'йже:

На высоту` добродjь'телей возше'лъ _е=си`, пр\оро'че мwv"се'е: и= сегw` ра'ди сподо'бился _е=си` ви'дjьти сла'ву бж~iю. скрижа^ли бл~года^тныя зако'на прiя'тъ, и= начерта'нiй бл~года'ть въ себjь` нося`, и= пр\оро'кwвъ бы'лъ _е=си` честна'я похвала`, и= бл~гоче'стiя вели'кое та'инство.

На о_у='трени, на Бг~ъ гд\сь, тропа'рь вавv'лы два'жды. Сла'ва, пр\оро'ка: И= ны'нjь, бг~оро'диченъ. И= _о=бы^чныя каfi^смы.: И= сjьда'льны _о=ктw'иха: И= чте'нiе. Канw'нъ _о=ктw'иха _е=ди'нъ, со i=рмосо'мъ на s~: И= ст~ы'хъ два`: Вавv'лы, гла'съ s~: И= пр\оро'ка, гла'съ д~. По г~-й пjь'сни,

Конда'къ пр\оро'ка, гла'съ в~:

Ли'къ пр\оро'ческiй съ мwv"се'емъ и= а=арw'номъ, весе'лiемъ дне'сь весели'тся, jа='кw коне'цъ пр\оро'чествiя и='хъ на на'съ и=спо'лнися: дне'сь сiя'етъ кр\стъ, и='мже на'съ сп~слъ _е=си`. тjь'хъ мл~твами хр\сте` бж~е поми'луй на'съ.

И= сjьда'ленъ, вавv'лы, гла'съ г~. Сла'ва, пр\оро'ка, гла'съ д~: И= ны'нjь, бг~оро'диченъ. По s~-й пjь'сни,

Конда'къ вавv'лы, гла'съ и~. Подо'бенъ: JА='кw нача'тки:

JА='кw бл~гоче'стiя проповjь'дника, и= страда'льц_евъ о_у=твержде'нiе, цр~ковь сла'витъ тя` вавv'ло сла'вне, w=свjьща'ема дне'сь: но jа='кw и=мjь'я дерзнове'нiе ко гд\су, въ ми'рjь соверше'ннjьмъ, велича'ющыя и= восхваля'ющыя тя`, сохрани'ти хр\сту` моли'ся, _w многострада'льне.

И= i='косъ, и= про'логъ. По f~-й пjь'сни, свjьти'ленъ _о=ктw'иха: Сла'ва, вавv'лы: И= ны'нjь, бг~оро'диченъ: На стiхо'внjь _о=ктw'иха. На лiтургi'и прокi'менъ, гла'съ д~: Ст~ы^мъ и=`же су'ть на земли` _е=гw`, о_у=диви` гд\сь вся^ хотjь^нiя своя^ въ ни'хъ. Стi'хъ: Предзрjь'хъ гд\са: А=по'столъ къ _е=вре'_емъ, зача'ло т~л: Ст~i'и вси`, вjь'рою: А=ллилу'iа, гла'съ д~: Воззва'ша прв\днiи: _Е=v\глiе луки`, зача'ло _кс~з: Не бо'йся ма'лое ста'до: Прича'стенъ, Ра'дуйтеся: