_е~. Ст~ы'я мч~нцы харiтi'ны:

Тропа'рь, гла'съ д~:

А='гница твоя`, i=и~се, харiтi'на, зове'тъ ве'лiимъ гла'сомъ: тебе` женише` мо'й люблю`, и= тебе` и='щущи страда'льчествую, и= сраспина'юся, и= спогреба'юся кр~ще'нiю твоему`, и= стражду` тебе` ра'ди, jа='кw да ца'рствую въ тебjь`, и= о_у=мира'ю за тя`, да и= живу` съ тобо'ю: но jа='кw же'ртву непоро'чную прiими' мя, съ любо'вiю поже'ршуюся тебjь`. тоя` мл~твами, jа='кw ми'лостивъ сп~си` ду'шы на'шя.

Конда'къ, гла'съ в~. Подо'бенъ: Вы'шихъ и=щя`:

Крjь'пкимъ ра'зумомъ, харiтi'но, ду'шу о_у=тве'рждши вjь'рою, бори'теля врага` jа='вjь посрами'ла _е=си`: о_у= хр\ста` предста`, всебл~же'нная, червлени'цу w\т крове'й твои'хъ нося'щи и= при'снw со а='гг~лы ра'дующися: моли` за ны` стр\стоте'рпице.

Въ то'йже де'нь ст~ы'хъ ст~и'телей, петра`, а=ле_ксi'а, i=w'ны и= фiлi'ппа, митрополi'тwвъ моско'вскихъ, и= всея` рwссi'и чудотво'рц_евъ.

Тропа'рь, гла'съ д~:

Первопресто'льницы рwссi'йстiи, и='стиннiи храни'телiе а=п\сльскихъ преда'нiй, столпи` непоколеби'мiи, правосла'вiя наста^вницы, пе'тре, и= а=ле_ксi'е, i=w'но и= фiлi'ппе, вл\дку всjь'хъ моли'те, ми'ръ вселе'ннjьй дарова'ти, и= душа'мъ на'шымъ ве'лiю мл\сть.

Конда'къ, гла'съ г~. Подо'бенъ: Дв~а дне'сь:

Во ст~и'телехъ бл~гоче'стнw пожи'сте, и= лю'ди къ бг~оразу'мiю наста'висте, и= до'брjь бг~у о_у=годи'сте: сегw` ра'ди w\т негw` нетлjь'нiемъ и= чудесы` просла'вистеся, jа='кw о_у=ченицы` бж~iя бл~года'ти.