s~. Ст~о'е бг~оявле'нiе гд\са бг~а и= сп~са на'шегw i=и~са хр\ста`.

Тропа'рь пра'здника, гла'съ а~:

Во i=_орда'нjь креща'ющуся тебjь` гд\си, тр\оческое jа=ви'ся поклоне'нiе: роди'телевъ бо гла'съ свидjь'тельствоваше тебjь`, возлю'бленнаго тя` сн~а и=мену'я, и= дх~ъ въ ви'дjь голуби'нjь и=звjь'ствоваше словесе` о_у=твержде'нiе. jа=вле'йся хр\сте` бж~е, и= мi'ръ просвjьще'й, сла'ва тебjь`.

Конда'къ пра'здника, гла'съ д~:

JА=ви'лся _е=си` дне'сь вселе'ннjьй, и= свjь'тъ тво'й гд\си зна'менася на на'съ, въ ра'зумjь пою'щихъ тя`: прише'лъ _е=си`, и= jа=ви'лся _е=си`, свjь'тъ непристу'пный.