з~. Ст~ы'хъ мч~нкъ три'десяти и= тре'хъ, и=`же въ мелитi'нjь: И= прп\дбнагw _о=тца` на'шегw и= чудотво'рца ла'заря, въ галiсi'йстjьй горjь` пости'вшагwся.

Стiхи^ры мч~нкwвъ г~, гла'съ д~. Подо'бенъ: JА='кw до'бля: И= прп\дбнагw г~, гла'съ s~. Подо'бенъ: Всю` w\тложи'вше: Сла'ва, прп\дбнагw, гла'съ _е~: Прп\дбне _о='тче, не да'лъ _е=си` сна`: На стiхо'внjь _о=ктw'иха: Сла'ва, прп\дбнагw, гла'съ s~: Прп\дбне _о='тче: во всю` зе'млю:

Тропа'рь, гла'съ д~:

Мч~нцы твои` гд\си, во страда'нiихъ свои'хъ вjьнцы` прiя'ша нетлjь^нныя w\т тебе` бг~а на'шегw: и=му'ще бо крjь'пость твою` мучи'телей низложи'ша, сокруши'ша и= де'мwнwвъ немощны^я де'рзwсти. тjь'хъ моли'твами сп~си` ду'шы на'шя.

Сла'ва, тропа'рь прп\дбнагw, гла'съ и~:

Бдjь'нными мл~твами, тече'ньми сле'зными сто'лпъ w=мочи'лъ _е=си`, и= и=з\ъ глубины` воздыха'ньми во сто` трудw'въ о_у=плодоноси'лъ _е=си`, и= бы'лъ _е=си` па'стырь, всjь^мъ подая` проще'нiе, прп\дбне _о='тче на'шъ ла'заре, моли'ся хр\сту` бг~у сп~сти'ся душа'мъ на'шымъ.

На о_у='трени, канw'нъ _о=ктw'иха _е=ди'нъ, и= ст~ы'хъ два`: Мч~нкwвъ, гла'съ и~: Прп\дбнагw, гла'съ в~. По г~-й пjь'сни,

Конда'къ прп\дбнагw, гла'съ д~. Подо'бенъ: JА=ви'лся _е=си`:

JА='кw свjьти'льника превели'каго, цр~ковь хр\сто'ва сла'витъ тя` съ весе'лiемъ _псало'мски: тjь'мже не преста'й моля'ся хр\сту` да'ти всjь^мъ прегрjьше'нiй проще'нiе.

И= сjьда'ленъ мч~нкwвъ, гла'съ и~. Сла'ва, прп\дбнагw, гла'съ г~. По s~-й пjь'сни,

Конда'къ мч~нкwвъ, гла'съ и~. Подо'бенъ: JА='кw нача'тки:

Ли'къ мч~нческiй jа='сенъ, по'лкъ свjьтоно'сенъ, соше'дъ къ на'мъ разу'мнw, цр~ковь дне'сь просвjьти'лъ _е='сть чу'дными заря'ми. тjь'мже пра'зднующе честну'ю па'мять и='хъ, про'симъ w\т тебе` сп~се на'шъ: тjь'хъ мл~твами w\т бjь'дъ и=зба'ви на'съ, да пое'мъ ти`: а=ллилу'iа.

По f~-й пjь'сни, свjьти'ленъ _о=ктw'иха, и= мч~нкwвъ: Сла'ва, прп\дбнагw. На лiтургi'и, прокi'менъ, гла'съ з~: Ч\стна` пред\ъ гд\семъ: Стi'хъ, Что` возда'мъ гд\севи: А=по'столъ къ гала'тwмъ, зача'ло сг~_i: Пло'дъ дх~о'вный: А=ллилу'iа, гла'съ s~: Бл~же'нъ му'жъ боя'йся гд\са: Стi'хъ, Си'льно на земли` бу'детъ сjь'мя _е=гw`: _Е=v\глiе матfе'а, зача'ло ч~: По i=и~сjь и=до'ша наро'ди: Прича'стенъ, Въ па'мять: