s~. И='же во ст~ы'хъ _о=тца` на'шегw па'vла, а=рхiеп\скпа кwнстантi'ня гра'да, и=сповjь'дника.

Тропа'рь, гла'съ г~:

Бж~е'ственныя вjь'ры и=сповjь'данiемъ, друга'го па'vла тя` це'рковь ревни'теля во сщ~е'нницjьхъ показа`: свозопiе'тъ ти` и= а='вель ко гд\су, и= заха'рiина кро'вь прв\дная, _о='тче прп\дбне, хр\ста` бг~а моли`, дарова'тися на'мъ ве'лiей мл\сти.

Конда'къ, гла'съ в~. Подо'бенъ: Вы'шнихъ и=щя`:

W=блиста'вый на земли` jа='кw sвjьзда` нб~освjь'тлая, каfолi'ческую просвjьща'еши це'рковь ны'нjь, w= не'йже и= страда'льчествовалъ _е=си`, ду'шу твою`, па'vле, предложи'въ: и= jа='коже заха'рiина и= а='велева, jа='снw вопiе'тъ твоя` кро'вь ко гд\су.

Въ то'йже де'нь прп\дбнагw _о=тца` на'шегw варлаа'ма ху'тынскагw, новгоро'дскагw чудотво'рца.

Тропа'рь, гла'съ г~:

И='же на земли` лега'нiемъ, поще'нiемъ же и= бдjь'нiемъ тjь'ло твое` и=знуря'я, прп\дбне, вся^ плотска^я мудрова^нiя о_у=мертви'лъ _е=си`: и= и=сцjьле'нiй струя` незави'стная jа=ви'лся _е=си` вjь'рою притека'ющымъ къ ра'цjь моще'й твои'хъ, варлаа'ме _о='тче на'шъ: моли` хр\ста` бг~а сп~сти'ся душа'мъ на'шымъ.

Конда'къ, гла'съ и~. Подо'бенъ: Взбра'нной:

JА='коже другi'й и=лiа`, _о='тче, до'ждь съ нб~се` све'лъ _е=си`: _о='нъ о_у='бw _о='гнь сведе`, и= царя` о_у=диви`, ты' же лю'ди твоя^ возвесели'лъ _е=си`, и= торжествова'ти о_у=стро'илъ _е=си`. вели'кiй бо но'въградъ вельми` тобо'ю хва'лится, и=мjь'я мw'щи твоя^ въ себjь`, _е=го'же сохраня'й w\т вра^гъ непоколеби'ма, да зове'мъ ти`: ра'дуйся, прп\дбне варлаа'ме, _о='тче на'шъ.