f~_i. Ст~ы'хъ му'ч_еникъ трофi'ма, савва'тiа и= дорv"медо'нта.

Стiхи^ры пра'здника, г~. И= ст~ы'хъ г~, гла'съ и~. Подо'бенъ: Мч~нцы твои` гд\си: Сла'ва, и= ны'нjь, гла'съ д~: Воспле'щемъ дне'сь: На стiхо'внjь стiхи^ры пра'здника: Сла'ва, и= ны'нjь, гла'съ _е~: Гла'съ прорw'къ твои'хъ:

Тропа'рь, гла'съ и~:

Въ тр\оцjь хвали'мый бг~ъ, тро'ицу му'ч_еникъ просла'ви, трофi'ма и= савва'тiа и= дорv"медо'нта: въ того' бо вjь'ровавше, врага` низложи'ша. тjь'хъ мл~твами, хр\сте` бж~е на'шъ, поми'луй на'съ.

Сла'ва, и= ны'нjь, пра'здника.

На о_у='трени, канw'нъ пра'здника, со i=рмосо'мъ на и~: И= ст~ы'хъ на д~. По г~-й пjь'сни,

Конда'къ, гла'съ и~. Подо'бенъ: JА='кw нача'тки:

JА='кw страда'льц_евъ w=снова'нiе, и= бл~гоче'стiя о_у=твержде'нiе, цр~ковь чти'тъ и= сла'витъ твое` свjьтоно'сное страда'нiе, приснопjьва'емый бл~же'нне страда'льче, доблему'дре сла'вне трофi'ме со страда'вшими съ тобо'ю, w=чище'нiе пою'щымъ тя` и=спроси`, jа='кw непобjьди'мь.

И= сjьда'ленъ, гла'съ а~: Сла'ва, и= ны'нjь, пра'здника: По s~-й пjь'сни, конда'къ и= i='косъ пра'здника. По f~-й пjь'сни, свjьти'ленъ, и= стiхо'вна пра'здника. На лiтургi'и бл~ж_е'нна пра'здника, пjь'снь з~-я на s~.

И= преставле'нiе бл~говjь'рнагw вели'кагw кн~зя fео'дwра, и= ча^дъ _е=гw` бл~говjь'рныхъ кн~зе'й, давi'да и= кwнстантi'на, смоле'нскихъ и= jа=росла'вскихъ чудотво'рц_евъ.

Соверша'ется собо'ръ и='хъ, и=дjь'же лежа'тъ мо'щи и='хъ, и=ли` хра'мъ.

Тропа'рь, гла'съ д~:

W\т ю='ности ва'шея хр\сто'вjь любви` прилjьпи'вшеся ст~i'и, о_у=се'рднw зако'нъ и= w=правда^нiя тогw` сохрани'сте: w\т_ону'дуже и= чуде'сными дарова'ньми w=богати'вшеся, и=сцjьл_е'нiя и=сточа'ете. fео'дwре, давi'де и= кwнстантi'не, w= вjь'рою ва'съ почита'ющихъ, моли'те хр\ста` бг~а, сп~сти'ся душа'мъ на'шымъ.

На пренесе'нiе моще'й ст~ы'хъ, тропа'рь, гла'съ и~:

JА='кw sвjь'зды многосвjь^тлыя w\т ю='ности возсiя'вше, w=свjьти'ли _е=сте` сердца` вjь'рныхъ пренесе'нiемъ ч\стны'хъ моще'й ва'шихъ: во пло'ти jа='кw а='гг~ли на земли` показа'стеся, поще'нiемъ насажде'ни бы'сте jа='кw древа` при вода'хъ воздержа'нiя, напое'ни струя'ми сле'зъ ва'шихъ, и= скве'рну w=мы'сте. сегw` ра'ди jа=ви'стеся прiя'т_елища бж~iя дх~а, fео'дwре и= давi'де, и= кwнстантi'не, моли'те хр\ста` бг~а, сп~сти'ся душа'мъ на'шымъ.

Конда'къ, гла'съ и~:

JА=ви'стеся свjьти'льницы всесвjь'тлiи, во пло'ти jа='кw а='гг~ли: и= jа='кw жи'зни древеса` ра^йская, поще'нiемъ, бдjь'нiемъ, и= вjь'рою возраща'еми, процвjьли` _е=сте`: моли'твами ва'шими нб\сныя бл~года'ти прiе'мше вра'чеве крjь'пцы jа='вльшеся, и=сцjьля'ете неду'гующихъ ду'шы, съ вjь'рою прибjьга'ющихъ къ ра'цjь моще'й ва'шихъ, чудотво'рцы сла'внiи, fео'дwре, давi'де и= кwнстантi'не: моли'те хр\ста` бг~а грjьхw'въ w=ставле'нiе дарова'ти, вjь'рою и= любо'вiю чту'щымъ па'мять ва'шу.