к~а. Ст~ы'хъ вели'кихъ царе'й и= равноап\слwвъ кwнстантi'на и= _е=ле'ны.

Тропа'рь, гла'съ и~:

Кр\ста` твоегw` w='бразъ на нб~си` ви'дjьвъ, и= jа='коже па'vелъ зва'нiе не w\т человjь^къ прiе'мъ, въ царjь'хъ а=п\слъ тво'й гд\си, ца'рствующiй гра'дъ въ руцjь` твое'й положи`: _е=го'же сп~са'й всегда` въ ми'рjь, мл~твами бц\ды, _е=ди'не чл~вjьколю'бче.

Конда'къ, гла'съ г~. Подо'бенъ: Дв~а дне'сь:

Кwнстантi'нъ дне'сь съ ма'терiю _е=ле'ною кр\стъ jа=вля'ютъ, всеч\стно'е дре'во, всjь'хъ о_у='бw i=уде'wвъ посрамле'нiе су'ще, _о=ру'жiе же на проти^вныя вjь'рныхъ царе'й: на'съ бо ра'ди jа=ви'ся зна'менiе ве'лiе, и= во бранjь'хъ гро'зное.

Въ то'йже де'нь пра'зднуемъ срjь'тенiе чудотво'рныя i=кw'ны прест~ы'я бц\ды влади'мiрскiя.

Тропа'рь, гла'съ д~:

Дне'сь свjь'тлw красу'ется сла'внjьйшiй гра'дъ москва`, jа='кw зарю` со'лнечную воспрiе'мши вл\дчце, чудотво'рную твою` i=кw'ну, къ не'йже ны'нjь мы` притека'юще, и= моля'щеся тебjь`, взыва'емъ си'це: пречу'дная вл\дчце бц\де, моли'ся и=з\ъ тебе` воплоще'нному хр\сту` бг~у на'шему, да и=зба'витъ гра'дъ се'й, и= вся^ гра'ды и= страны^ хрiстiа^нскiя невреди'мы w\т всjь'хъ навjь^тъ вра'жiихъ, и= сп~се'тъ ду'шы на'шя jа='кw милосе'рдъ.

Конда'къ, гла'съ и~:

Взбра'нной воево'дjь побjьди'т_ельная, jа='кw и=зба'вльшеся w\т sлы'хъ прише'ствiемъ твоегw` честна'гw w='браза, вл\дчце бц\де, свjь'тлw сотворя'емъ празднество` срjь'тенiя твоегw`, и= _о=бы'чнw зове'мъ ти`: ра'дуйся невjь'сто неневjь'стная.

Въ то'йже де'нь па'мять ст~а'гw бл~говjь'рнагw кн~зя кwнстантi'на и= ча^дъ _е=гw`, мiхаи'ла и= fео'дwра, му'ромскихъ чудотво'рц_евъ.

Тропа'рь, гла'съ д~:

Кwнстантi'нъ дне'сь ве'селw ликовству'етъ, предстоя` пр\сто'лу ст~ы'я тр\оцы, ви'дя _о=те'чествiе свое` ма'стiю дх~о'вною сiя'ющее: _е=му'же послjь'доваша, мiхаи'лъ и= fео'дwръ, сы'нове _е=гw`, и= мо'лятся вси` трiе` вку'пjь w= душа'хъ на'шихъ.

Конда'къ, гла'съ и~. Подо'бенъ: Взбра'нной:

И=зря'дному воево'дjь, и= правовjь'рному кн~зю кwнстантi'ну, съ сыно'ма _е=гw` вку'пjь, _о=те'чество _е=гw` хва'лящися вопiе'тъ, и=мjь'ющее _е=го` нача'льника и= засту'пника, jа='кw и=зба'вльшееся и='мъ w\т пре'лести и= скве'рны i='дwльскiя. сегw` ра'ди вопiе'мъ _е=му` си'це: ра'дуйся кн~же кwнстантi'не пребл~же'нне.