з~. И='же во ст~ы'хъ _о=тца` на'шегw а=мвро'сiа, _е=п\скпа медiола'нскагw.

Тропа'рь, гла'съ д~:

Пра'вило вjь'ры и= w='бразъ кро'тости, воздержа'нiя о_у=чи'теля jа=ви' тя ста'ду твоему`, jа='же веще'й и='стина: сегw` ра'ди стяжа'лъ _е=си` смире'нiемъ высw'кая, нището'ю бога^тая, _о='тче а=мвро'сiе, моли` хр\ста` бг~а сп~сти'ся душа'мъ на'шымъ.

Конда'къ, гла'съ г~. Подо'бенъ: бж~е'ственныя вjь'ры:

Бж~е'ственными догма'ты w=блиста'я, помрачи'лъ _е=си` а='рiеву пре'лесть, сщ~еннотаи'нниче и= па'стырю а=мвро'сiе: чудодjь'йствуя же си'лою дх~а, стра^сти разли^чныя jа='вjь и=сцjьли'лъ _е=си`, _о='тче прп\дбне, хр\ста` бг~а моли` сп~сти'ся душа'мъ на'шымъ.

Въ то'йже де'нь преставле'нiе прп\дбнагw _о=тца` на'шегw а=нтw'нiа сi'йскагw, но'вагw чудотво'рца.

Тропа'рь, гла'съ а~:

Жела'нiемъ дх~о'внымъ распали'вся, и= мяте'жи мiрскi^я w\три'нувъ, ко _е=ди'ному же бг~у любо'вiю прилjьпи'лся _е=си`, и= того` вседу'шнjь взыску'я, во вну'треннюю пусты'ню w\тше'лъ _е=си`, при вода'хъ всели'вся, и=дjь'же во слеза'хъ и= трудjь'хъ пребыва'я многолjь'тное вре'мя, въ терпjь'нiи мно'зjь житiе` а='гг~льское проходи'лъ _е=си`, въ наставле'нiи бж~е'ственнагw ра'зума: и= мно'жество мона'хwвъ собра'лъ _е=си`, му'дре, и='хже посjьща'я, не w=ста'ви, а=нтw'нiе прп\дбне _о='тче на'шъ, прест~jь'й тр\оцjь моля'ся, w\т sw'лъ вся'ческихъ и=зба'вити, и= сп~сти` ду'шы на'шя.

Конда'къ, гла'съ и~. Подо'бенъ: Взбра'нной:

W\т ю='ности, прп\дбне, пло'ть твою` въ постjь'хъ и= мл~твахъ и=стончи'лъ _е=си`, и= кре'стъ тво'й взе'мъ, хр\сту` послjь'довалъ _е=си`: тjь'мже и= къ вы^шнимъ тече'нiе ра'достнw соверши'лъ _е=си`, и=дjь'же со всjь'ми ст~ы'ми ст~jь'й тр\оцjь предстои'ши. и= ны'нjь ста'до твое` посjьща'я, помина'й чту'щихъ прест~у'ю па'мять твою`, да вси` бл~года'рнjь вопiе'мъ ти`: ра'дуйся, бг~ому'дре а=нтw'нiе, наста'вниче пусты'нный.

И= преставле'нiе прп\дбнагw _о=тца` на'шегw нi'ла, и='же на _е='зерjь селиге'рjь, на _о='стровjь зово'момъ столо'бное, но'вагw чудотво'рца.

Тропа'рь, гла'съ д~:

JА='кw свjьти'льникъ всесвjь'телъ jа=ви'лся _е=си` во _о='стровjь селиге'ра _е='зера, прп\дбне _о='тче нi'ле: ты' бо кр\стъ хр\сто'въ w\т ю='ности своея` на ра'мо взе'мъ, о_у=се'рднw тому` послjь'довалъ _е=си`, чистото'ю бг~ови прибли'жився, w\т_ону'дуже и= чуде'съ дарова'нiемъ w=богати'лся _е=си`. тjь'мъ и= мы` притека'юще къ ра'цjь моще'й твои'хъ, о_у=ми'льнw глаго'лемъ: _о='тче прп\дбне, моли` хр\ста` бг~а, сп~сти'ся душа'мъ на'шымъ.

Конда'къ, гла'съ и~:

_О=те'чества, прп\дбне, о_у=дали'вся, въ пусты'ню всели'лся _е=си`, и= на _о='стровъ селиге'ра _е='зера возше'дъ, же'стоко житiе` показа'лъ _е=си`, и= мно'гихъ добродjь'тельми о_у=диви'въ, дарова^нiя чуде'съ w\т хр\ста` прiя'лъ _е=си`. помина'й на'съ чту'щихъ па'мять твою`, да зове'мъ ти`: ра'дуйся, нi'ле _о='тче на'шъ.