а~_i. Ст~а'гw а=п\сла фiлi'ппа, _е=ди'нагw w\т седми` дiа'кwнъ: И= прп\дбнагw _о=тца` на'шегw fеофа'на и=сповjь'дника, и= творца` канw'нwвъ, _е=п\скпа нiкi'йскагw.

Тропа'рь а=п\сла, гла'съ г~:

А=п\сле ст~ы'й фiлi'ппе, моли` мл\стиваго бг~а, да прегрjьше'нiй w=ставле'нiе пода'стъ душа'мъ на'шымъ.

Сла'ва, тропа'рь прп\дбнагw, гла'съ и~:

Правосла'вiя наста'вниче, бл~гоче'стiя о_у=чи'телю и= чистоты`, вселе'нныя свjьти'льниче, а=рхiере'_евъ бг~одухнове'нное о_у=добре'нiе. fеофа'не прему'дре, о_у=че'ньми твои'ми вся^ просвjьти'лъ _е=си`, цjьвни'це дх~о'вная, моли` хр\ста` бг~а, сп~сти'ся душа'мъ на'шымъ.

Конда'къ fеофа'на, гла'съ в~. Подо'бенъ: Вы'шнихъ и=щя`:

Возгремjь'въ хр\сто'во бж~е'ственное воплоще'нiе, безплw'тныя враги` до конца` w=бличи'лъ _е=си`, чу'дне fеофа'не: сегw` ра'ди вси` вjь'рнw, и= бл~гоче'стнw вопiе'мъ ти`: моли` непреста'ннw w= всjь'хъ на'съ.

Конда'къ, гла'съ д~. Подо'бенъ: Вознесы'йся:

JА=зы'кwвъ лове'цъ пречу'дный, и= о_у=ч~нкw'въ хр\сто'выхъ собесjь'дникъ, а=п\слwвъ пред\ъизбра'нный фiлi'ппъ, дне'сь мi'ру и=сцjьле'нiй подае'тъ бога'тство, покрыва'етъ w\т w=бстоя'нiй того` хва'лящыя. тjь'мъ согла'снw зове'мъ _е=му`: сп~са'й вся^ мл~твами твои'ми, а=п\сле.

И= _о=тц_е'въ, гла'съ и~:

Препросла'вленъ _е=си` хр\сте` бж~е на'шъ, свjьти^ла на земли` _о=тцы` на'ши w=снова'вый, и= тjь'ми ко и='стиннjьй вjь'рjь вся^ ны` наста'вивый: многобл~гоутро'бне, сла'ва тебjь`. _е=ди'ножды.

Конда'къ _о=тц_е'въ, гла'съ s~. Подо'бенъ: рукопи'саннагw:

И='же и=з\ъ _о=ц~а` возсiя'въ сн~ъ неизрече'ннw, и=з\ъ жены` роди'ся сугу'бъ _е=стество'мъ: _е=го'же ви'дяще, не w\тмета'емся зра'ка и=з\ъwбраже'нiя, но сiе` бл~гоче'стнw начерта'юще почита'емъ вjь'рнw. и= сегw` ра'ди и='стинную вjь'ру цр~ковь держа'щи, лобыза'етъ i=кw'ну вочл~вjь'ченiя хр\сто'ва.