а~_i. Ст~ы'я мч~нцы и= прехва'льныя _е=vfи'мiи, си'рjьчь предjь'ла _о=тц_е'въ: И= преставле'нiе бл~же'нныя _о='льги, княги'ни рwссi'йскiя, во ст~о'мъ кр~ще'нiи нарече'нныя _е=ле'ны.

На Гд\си воззва'хъ, стiхи^ры _е=vfv'мiи г~, гла'съ и~. Подо'бенъ: _W пресла'внагw чудесе`! И= _о='льги г~, гла'съ д~. Подо'бенъ: JА='кw до'бля: Сла'ва, гла'съ s~: W=десну'ю сп~са предста`: На стiхо'внjь _о=ктw'иха. Та'же припjь'въ: Ди'венъ бг~ъ во ст~ы'хъ свои'хъ бг~ъ i=и~левъ. и= пое'мъ стiхи'ру, гла'съ и~: Пjь'ньми да почти'тся мч~нца: Сла'ва, гла'съ s~: W=дjь'яна добродjь'тельми:

Тропа'рь, гла'съ д~:

А='гница твоя` i=и~се, _е=vfи'мiа, зове'тъ ве'лiимъ гла'сомъ: тебе` женише` мо'й люблю`, и= тебе` и='щущи страда'льчествую, и= сраспина'юся, и= спогреба'юся кр~ще'нiю твоему`, и= стражду` тебе` ра'ди, jа='кw да ца'рствую въ тебjь`, и= о_у=мира'ю за тя`, да и= живу` съ тобо'ю: но jа='кw же'ртву непоро'чную прiими' мя, съ любо'вiю поже'ршуюся тебjь`. тоя` мл~твами, jа='кw ми'лостивъ сп~си` ду'шы на'шя.

И=ли` се'й, гла'съ д~:

Жениха` твоего` хр\ста` возлюби'вши, и= свjьщу` твою` свjь'тлу о_у=гото'вльши, добродjь'тельми возсiя'вши, всехва'льная _е=vfи'мiе: тjь'мъ возшла` _е=си` съ ни'мъ на бра'къ, вjьне'цъ страда'нiя w\т негw` прiе'мши: но w\т бjь'дъ и=зба'ви на'съ, чту'щихъ вjь'рою па'мять твою`.

Сла'ва, тропа'рь _о='льги, гла'съ а~:

Крила'ми бг~оразу'мiя впери'вши тво'й о_у='мъ, возлетjь'ла _е=си` превы'ше ви'димыя тва'ри: взыска'вши бг~а и= творца` вся'ческихъ, и= того` w=брjь'тши, па'ки рожде'нiе кр~ще'нiемъ прiя'ла _е=си`: дре'ва живо'тнагw наслажда'ющися, нетлjь'нна во вjь'ки пребыва'еши, _о='льго присносла'вная.

На о_у='трени, _о=бы^чныя каfi^смы, и= сjьда'льны _о=ктw'иха. Канw'нъ _о=ктw'иха _е=ди'нъ: и= _е=vfv'мiи на д~, гла'съ и~: и= _о='льги на д~, гла'съ _е~. По г~-й пjь'сни,

Конда'къ _о='льги, гла'съ д~. Подо'бенъ: JА=ви'лся _е=си`:

Воспое'мъ дне'сь бл~годjь'теля всjь'хъ бг~а, просла'вльшаго въ рwссi'и _о='льгу бг~ому'друю: да мл~твами _е=я` пода'стъ душа'мъ на'шымъ грjьхw'въ w=ставле'нiе.

Та'же сjьда'ленъ _е=vfи'мiи, гла'съ и~, два'жды. Сла'ва, и= ны'нjь, бг~оро'диченъ, и=ли` кр\стобг~оро'диченъ. По s~-й пjь'сни,

Конда'къ, гла'съ s~. Подо'бенъ: _Е='же w= на'съ:

По'двиги во страда'льчествjь, по'двиги въ вjь'рjь положи'ла _е=си` те'плjь за хр\ста` жениха` твоего`: но и= ны'нjь jа='коже _е='р_еси, и= врагw'въ шата'нiе под\ъ но'ги правосла'вныхъ царе'й покори'ти моли` бц\дею, jа='же w\т шестисw'тъ три'десяти бг~оно'сныхъ _о=т_е'цъ предjь'лъ прiе'мшая, и= храня'щая всехва'льная.

И= i='косъ. По f~-й пjь'сни свjьти'ленъ _о=ктw'иха. Сла'ва, ст~ы'я: И= ны'нjь, бг~оро'диченъ. На хвали'техъ стiхи^ры _е=vfи'мiи на д~, гла'съ г~, самогла'сны, повторя'юще пе'рвую. Сла'ва, гла'съ и~: Вся'къ я=зы'къ да подви'жется: На стiхо'внjь _о=ктw'иха. Та'же глаго'лемъ припjь'въ: Въ цр~квахъ бл~гослови'те бг~а: и= пое'мъ стiхи'ру, гла'съ и~: Ра'дуйся предjь'ле вjь'ры: Сла'ва, гла'съ а~: Дне'сь ли'цы _о=те'честiи: На лiтургi'и, бл~ж_е'нна _о=ктw'иха, на д~: и= _е=vfи'мiи пjь'снь г~-я, на д~. Прокi'менъ, гла'съ д~: Ди'венъ бг~ъ во ст~ы'хъ свои'хъ: Стi'хъ: Въ цр~квахъ бл~гослови'те бг~а: А=по'столъ къ корi'нfянwмъ, зача'ло рп~а: Поспjь'шствующе мо'лимъ: А=ллилу'iа, гла'съ а~: Терпя` потерпjь'хъ гд\са, и= вня'тъ ми`. _Е=v\глiе луки`, зача'ло л~г: Моля'ше i=и~са нjь'кiй w\т фарiс_е'й: Прича'стенъ: Въ па'мять вjь'чную: