а~_i. Ст~а'гw сщ~енномч~нка вла'сiа:

Стiхи^ры _о=ктw'иха г~: и= ст~а'гw г~, гла'съ а~. Подо'бенъ: Нб\сныхъ чинw'въ: Сла'ва, гла'съ д~: JА='кw до'бръ: На стiхо'внjь _о=ктw'иха. Сла'ва, ст~а'гw, гла'съ s~: Прозя'бъ въ поще'нiи:

Тропа'рь, гла'съ д~:

И= нра'вwмъ прича'стникъ, и= пр\сто'лwмъ намjь'стникъ а=п\слwмъ бы'въ, дjья'нiе w=брjь'лъ _е=си` бг~одохнове'нне, въ видjь'нiя восхо'дъ: сегw` ра'ди сло'во и='стины и=справля'я, и= вjь'ры ра'ди пострада'лъ _е=си` да'же до кро'ве, сщ~енномч~нче вла'сiе, моли` хр\ста` бг~а сп~сти'ся душа'мъ на'шымъ.

На о_у='трени, канw'нъ ст~а'гw на д~, гла'съ д~. По г~-й пjь'сни,

Конда'къ, гла'съ в~. Подо'бенъ: Вы'шнихъ и=щя`:

Бж~е'ственное прозябе'нiе, цвjь'тъ неувяда'емый, лозы` хр\сто'вы розго` многострада'льная, бг~оно'се вла'сiе, вjь'рою чту'щыя па'мять твою` весе'лiя твоегw` и=спо'лни, моля'ся непреста'ннw w= всjь'хъ на'съ.

Та'же сjьда'ленъ, гла'съ и~. По s~-й пjь'сни,

Конда'къ, гла'съ и~. Подо'бенъ: JА='кw нача'тки:

Сщ~е'нiя пома'занiемъ, и= муче'нiя кро'вiю о_у=краси'лся _е=си` сла'вне вла'сiе, и= сiя'еши всю'ду въ вы'шнихъ лику'я, и= на'съ назира'я въ хра'мъ тво'й прише'дшыя, и= въ не'мъ тебjь` непреста'ннw зову'щыя: всjь'хъ на'съ соблюди`.

И= i='косъ. По f~-й пjь'сни, свjьти'ленъ _о=ктw'иха. Сла'ва ст~а'гw.

Въ то'йже де'нь прп\дбнагw _о=тца` на'шегw дими'трiа прилу'цкагw чудотво'рца.

Соверша'ется собо'ръ _е=гw` во _о=би'тели _е=гw`, и= и=дjь'же хра'мъ _е=гw`.

Тропа'рь, гла'съ а~:

Свы'ше w\т бг~а прп\дбне бл~года'ть прiя'лъ _е=си` дх~о'вную, и= w\т негw` о_у='бw позна'лся _е=си` бл~же'нне. тогw` ра'ди и= ты` дх~омъ позна'лъ _е=си` лу^чшая _е=гw`, бу'дущагw вjь'ка пребыва'нiе, и= по'стнически и=спыта'вся во свои'хъ _о=би'телехъ. и= ны'нjь со а='гг~лы ликовству'я, сп~су всjь'хъ за ны` моли'ся ст~е дими'трiе, да вси` вопiе'мъ: сла'ва да'вшему ти` крjь'пость: сла'ва вjьнча'вшему тя`: сла'ва дjь'йствующему тобо'ю всjь^мъ и=сцjьл_е'нiя.

Конда'къ, гла'съ и~. Подо'бенъ: Взбра'нной:

W\т ю='ности прп\дбне кр\стъ тво'й взе'мъ, хр\сту` послjь'довалъ _е=си`, въ мл~твахъ и= поще'нiихъ, во бдjь'нiихъ же и= sлострада'нiихъ, пло'ть твою` и=знуря'я. тjь'мже и= всеви'дящее _о='ко твоя^ труды` ви'дjьвъ, чудесы` тя` прославля'етъ, и= всjь'хъ зва'ти тебjь` науча'етъ: ра'дуйся прп\дбне _о='тче дими'трiе, по'стникwвъ о_у=добре'нiе.

И= преставле'нiе ст~а'гw бл~говjь'рнагw вели'кагw кн~зя все'волода, нарече'ннагw во ст~о'мъ креще'нiи гаврiи'ла, псковска'гw чудотво'рца.

Соверша'ется собо'ръ _е=гw`, и=дjь'же лежа'тъ мо'щи _е=гw`, и= и=дjь'же хра'мъ _е=гw`.

Тропа'рь, гла'съ д~:

И=з\ъ мла'да jа=ви'лся _е=си` бг~ому'дре кня'же гаврiи'ле бж~е'ственный сосу'дъ, и=збра'нъ бг~ови, бл~гоче'стiемъ воспита'нъ, вjь'ру непоро'чну соблю'дъ, и= мнw'ги ст~ы^я цр~кви о_у=стро'ивъ, и=згна'нiе претерпjь'лъ _е=си` w\т свои'хъ, jа='коже и= цjьлому'дрiи прароди'тели твои` w\т бра'та о_у=бiе'нiе. съ ни'миже предстоя` ст~jь'й тр\оцjь моли'ся, держа'вы рw'сскiя нача'льникwмъ сохран_е'ннымъ бы'ти, и= всjь^мъ на'мъ сп~сти'ся.

Конда'къ, гла'съ и~. Подо'бенъ: Взбра'нной:

Многому'дреннw пресели'вся во гра'дъ пско'въ, бл~же'нне кня'же гаврiи'ле, пло'дъ бл~гi'й бг~ови въ жи'зни се'й бы'лъ _е=си`, присноцвjьту'щь добродjь'тельми, и= jа='коже дв~дъ неsло'бiемъ: тогw` ра'ди получи'лъ _е=си` жи'знь вjь'чную на нб~сjь'хъ, всегда` зря` ст~у'ю тр\оцу, моли` и=зба'витися на'мъ w\т вся'кихъ бjь'дъ, да зове'мъ ти`: ра'дуйся о_у=твержде'нiе гра'ду на'шему.