г~_i. Прп\дбнагw _о=тца` на'шегw ма_ксi'ма и=сповjь'дника. Въ сi'й же де'нь w\тдае'тся пра'здникъ гд\сня преwбраже'нiя: и= пое'тся слу'жба вся` пра'здника.

Ве'черъ, _о=бы'чная каfi'сма, на Гд\си воззва'хъ, стiхи^ры пра'здника на s~, по_е'мыя на са'мый пра'здникъ: Сла'ва, и= ны'нjь, пра'здника. А='ще суббw'та. Сла'ва пра'здника, И= ны'нjь, догма'тiкъ настоя'щагw гла'са. На стiхо'внjь стiхи^ры, и= Сла'ва, и= ны'нjь, пра'здника. Тропа'рь пра'здника. _е=ктенiа`, и= w\тпу'стъ. На повече'рiи, по трист~о'мъ конда'къ пра'здника. Полу'нощницу же пое'мъ по _о=бы'чаю, съ тропари` дневны'ми. На о_у='трени, на Бг~ъ гд\сь, тропа'рь пра'здника, три'жды. По каfi'смахъ сjьда'льны пра'здника. Канw'нъ пра'здника со i=рмосо'мъ на и~: другi'й без\ъ i=рмосw'въ на s~. Катава'сiа: Кр\стъ начерта'въ: _о='ба ли^ка вку'пjь. По г~-й пjь'сни, сjьда'ленъ два'жды. По s~-й пjь'сни, конда'къ и= i='косъ пра'здника. На f~-й пjь'сни, Ч\стнjь'йшую не пое'мъ: но пое'мъ припjь'въ пра'здника. Свjьти'ленъ пра'здника, два'жды. На хвали'техъ стiхи^ры пра'здника, на д~. Сла'ва, и= ны'нjь, пра'здника. Славосло'вiе вели'кое. По трист~о'мъ тропа'рь пра'здника, _е=кт_енiи`, w=глаше'нiе, и= w\тпу'стъ: и= _о=бы'чное и=схожде'нiе, и= ча'съ а~-й въ притво'рjь. На лiтургi'и, бл~ж_е'нна, _о=бои'хъ канw'нwвъ пjь'снь f~-я, со i=рмосо'мъ на и~. тропа'рь пра'здника. Сла'ва, и= ны'нjь, конда'къ пра'здника. Прокi'менъ, А=ллилу'iа, и= прича'стенъ пра'здника, а=по'столъ и= _е=v\глiе дне` то'чiю.

<М\р> [[комм.]] А='ще ли случи'тся w\тда'нiе пра'здника преwбраже'нiя хр\сто'ва въ недjь'лю.

На ма'лjьй вече'рни, стiхи^ры воскр\сны. На стiхо'внjь стiхи'ра воскр\сна, и= пра'здника стiхо'вна, съ припjь'вы свои'ми вели'кiя вече'рни. Сла'ва, и= ны'нjь, пра'здника. тропа'рь воскр\снъ. Сла'ва, и= ны'нjь, пра'здника. На вели'цjьй вече'рни, на Гд\си воззва'хъ, стiхи^ры воскр\сны г~, и= а=нато'лiевъ _е=ди'нъ: и= пра'здника s~, по_е'мыя на са'мый пра'здникъ. Сла'ва, пра'здника: И= ны'нjь, бг~оро'диченъ пе'рвый, гла'са. На лiтi'и стiхи^ры, и= Сла'ва, и= ны'нjь, пра'здника. На стiхо'внjь стiхи^ры воскр\сны: Сла'ва, и= ны'нjь, пра'здника. По трист~о'мъ тропа'рь: Бц\де дв~о, два'жды, и= пра'здника, _е=ди'ножды. и= бл~гослове'нiе хлjь'бwвъ, и= чте'нiе. На о_у='трени, на Бг~ъ гд\сь, тропа'рь воскр\снъ, два'жды. Сла'ва, и= ны'нjь, пра'здника. По каfi'смахъ сjьда'льны воскр\сны, съ бг~оро'дичны и='хъ: и= чте'нiе во _е=v\глiи, недjь'ля ря'дъ, и= прw'чая по _о=бы'чаю. Канw'нъ воскр\снъ со i=рмосо'мъ на д~, и= бц\ды на в~: и= пра'здника _о='ба канw'на, на и~. Катава'сiа: Кр\стъ начерта'въ: _о='ба ли^ка вку'пjь. По г~-й пjь'сни, конда'къ и= i='косъ пра'здника, и= сjьда'ленъ пра'здника два'жды: По s~-й пjь'сни, конда'къ и= i='косъ воскр\снъ. На f~-й пjь'сни, пое'мъ Ч\стнjь'йшую: Свjьти'ленъ воскр\снъ. Сла'ва, и= ны'нjь, пра'здника. На хвали'техъ стiхи^ры воскр\сны д~: и= пра'здника д~. со сла'внымъ, съ припjь'вы пра'здничными. Сла'ва, стiхи'ра _е=v\гльская. И= ны'нjь, Пребл~гослове'нна _е=си`: Славосло'вiе вели'кое. По трист~о'мъ, тропа'рь воскр\снъ то'чiю. _е=кт_енiи`, w=глаше'нiе, и= w\тпу'стъ, и= ча'съ а~- й въ притво'рjь. На часjь'хъ, тропа'рь воскр\снъ. Сла'ва, пра'здника: И= ны'нjь, бг~оро'диченъ часw'въ, конда'къ пра'здника, та'кожде и= на про'чихъ часjь'хъ, конда'къ воскр\снъ, и= пра'здника, глаго'лемъ премjьня'юще. На лiтургi'и, бл~ж_е'нна гла'са, на s~: и= пра'здника, д~-гw гла'са, пjь'снь f~-я, на д~. Тропа'рь воскр\снъ, и= пра'здника. Сла'ва, конда'къ воскр\снъ: И= ны'нjь, пра'здника. Прокi'менъ, А=ллилу'iа, и= прича'стенъ дне` и= пра'здника. а=по'столъ и= _е=v\глiе дне`.

Въ то'йже де'нь па'мять и='же во ст~ы'хъ _о=тца` на'шегw тv'хwна, _е=п\скпа воро'нежскагw, задо'нскагw чудотво'рца.

Тропа'рь, гла'съ и~:

W\т ю='ности возлюби'лъ _е=си` хр\ста`, бл~же'нне, w='бразъ всjь^мъ бы'лъ _е=си` сло'вомъ, житiе'мъ, любо'вiю, ду'хомъ, вjь'рою, чистото'ю и= смире'нiемъ: тjь'мже и= всели'лся _е=си` въ нб\сныя _о=би'т_ели, и=дjь'же предстоя` пр\сто'лу прест~ы'я тр\оцы, моли` ст~и'телю тv'хwне, сп~сти'ся душа'мъ на'шымъ.

Конда'къ, гла'съ и~:

А=п\слwвъ прее'мниче, ст~и'телей о_у=краше'нiе, правосла'вныя цр~кве о_у=чи'телю, вл\дцjь всjь'хъ моли'ся, ми'ръ вселе'ннjьй дарова'ти и= душа'мъ на'шымъ ве'лiю мл\сть.