д~_i. Всемi'рное воздви'женiе ч\стна'гw и= животворя'щагw кр\ста`:И= о_у=спе'нiе во ст~ы'хъ _о=тца` на'шегw i=wа'нна, а=рхiеп\скпа кwнстантi'ня гра'да, златоу'стагw.

[зри`] Вjь'домо же бу'ди, jа='кw златоу'стагw вослjь'дованiе въ се'й пресвjь'тлый де'нь, въ кwнстантi'нjь гра'дjь, и= повсю'ду не пое'тся, воздви'женiя ра'ди ч\стна'гw кр\ста`, гд\сьскагw пра'здника: и= преложи'ся въ г~_i де'нь ное'мврiа мjь'сяца.

Во вре'мя же ве'чера, кандиловжига'тель, по бл~гослове'нiю о_у=даря'етъ въ кампа'нъ. I=ере'й же вхо'дитъ въ сосудохрани'тельницу, и= полага'етъ ч\стны'й кр\стъ, со бл~гово'нными васiльки` на же'ртвенникъ, на ми'сjь, и= пое'мъ, На ма'лjьй вече'рни, на Гд\си воззва'хъ, стiхи^ры пра'здника на д~, гла'съ а~. Подо'бенъ: Нб\сныхъ чинw'въ: Кр\стъ возно'сится: Сла'ва, и= ны'нjь, гла'съ s~, самогла'сенъ: Дне'сь са'дъ: Та'же, Свjь'те ти'хiй: Прокi'менъ дне`. И= Сподо'би гд\си: На стiхо'внjь стiхи^ры, гла'съ в~. Подо'бенъ: До'ме _е=vфра'fовъ: Съ припjь'вы и='хъ: Водо'ю бг~отво'рною: Припjь'вы: а~-й, Возноси'те гд\са бг~а на'шего: в~-й, Бг~ъ же цр~ь на'шъ пре'жде вjь'ка: Сла'ва, и= ны'нjь, гла'съ s~, самогла'сенъ: Дне'сь дре'во jа=ви'ся: Ны'нjь w\тпуща'еши: Трист~о'е, и= по _О='ч~е на'шъ:

Тропа'рь пра'здника, гла'съ а~:

Сп~си` гд\си лю'ди твоя^ и= бл~гослови` достоя'нiе твое`, побjь^ды правосла^внымъ хр\стiанwмъ на сопроти^вныя да'руя, и= твое` сохраня'я кр\сто'мъ твои'мъ жи'тельство.

_Е=ктенiа` ма'лая: И= w\тпу'стъ. По w\тпуще'нiи же ма'лыя вече'рни, вхо'дитъ _е=кклисiа'рхъ со i=ере'емъ и= дiа'кономъ и= параекклисiа'рхомъ въ же'ртвенникъ, со свjьща'ми, и= w=блачи'тся i=ере'й и= дiа'конъ: и= кади'въ ч\стны'й кр\стъ, глаго'летъ: Бл~гослови` влады'ко. I=ере'й: Бл~гослове'нъ бг~ъ на'шъ: Та'же, Трист~о'е: и= по _О='ч~е на'шъ, тропа'рь кр\ста`: Сп~си` гд\си лю'ди твоя^: Сла'ва и= ны'нjь:

Конда'къ, гла'съ д~:

Вознесы'йся на кр\стъ во'лею, тезоимени'тому твоему` но'вому жи'тельству, щедрw'ты твоя^ да'руй хр\сте` бж~е: возвесели` си'лою твое'ю вjь^рныя лю'ди твоя^,побjь^ды дая` _е=му` на супоста'ты, посо'бiе и=му'щу твое` _о=ру'жiе ми'ра, непобjьди'мую побjь'ду.

И= взима'етъ i=ере'й ч\стны'й кр\стъ со блю'домъ на главу`, и= вно'ситъ _е=го` во ст~ы'й _о=лта'рь, пред\ъиду'щымъ же пред\ъ ни'мъ со двjьма` лампа'дама: И= полага'етъ ч\стны'й кр\стъ на ст~о'й трапе'зjь на _е=v\гльскомъ мjь'стjь: а= _е=v\глiе поставля'етъ на го'рнее мjь'сто, и= вжига'ютъ пред\ъ ни'мъ свjьщу` на всю` но'щь.

[зри`] Подоба'етъ вjь'дати: JА='кw а='ще случи'тся пра'здникъ се'й въ недjь'лю, ничто'же пое'тся воскр\сно: ни стiхи^ры воскр\сны, ниже` непоро'чны, ни степ_е'нна гла'са, ни _е=v\глiе воскр\сное чте'тся: То'чiю, Воскр\снiе хр\сто'во, глаго'лемъ: и= Ст~ъ гд\сь бг~ъ: не пое'тся же, но всю` слу'жбу пое'мъ пра'здника. На вели'цjьй вече'рни: А='ще въ суббw'ту ве'чера пое'мъ, Бл~же'нъ му'жъ, каfi'сму всю`. А='ще же въ недjь'лю ве'чера, пое'мъ, Бл~же'нъ му'жъ, а~-й а=нтiфw'нъ. А='ще же и='нъ де'нь, стiхоло'гiа не быва'етъ: но по _о=бы'чномъ _псалмjь` пое'мъ, Гд\си воззва'хъ, на гла'съ s~. И= пое'мъ стiхи^ры пра'здника, на и~, гла'съ s~. Подо'бенъ: Всю` w\тложи'вше: Кр\стъ воздвиза'емь: Сла'ва, и= ны'нjь, гла'съ в~: Прiиди'те вси` jа=зы'цы: Та'же вхо'дъ. Прокi'менъ дне`, [А='ще случи'тся пра'здникъ се'й въ суббw'ту, въ пято'къ ве'чера, прокi'менъ дне` w=ставля'ется: и= пое'тся прокi'менъ вели'кiй, гла'съ з~: Бг~ъ на'шъ на нб~си` и= на земли`: поне'же въ суббw'ту ве'чера пое'тся прокi'менъ, Гд\сь воцр~и'ся:] Чт_е'нiя г~: а~-е И=схо'да. Поя'тъ мwv"се'й сы'ны i=и~левы: в~-е, При'тчей: Сы'не не пренебрега'й: г~-е, Пр\оро'чества и=са'iина: Сiя^ глаго'летъ гд\сь: w\тве'рзутся врата`: И= посе'мъ _е=ктенiа`: Рце'мъ вси`: и= Сподо'би гд\си: и= И=спо'лнимъ вече'рнюю мл~тву: На лiтi'и стiхи^ры самогла'сны, гла'съ а~: Дне'сь jа='кw вои'стинну: Сла'ва, и= ны'нjь, гла'съ д~: Ч\стна'гw кр\ста` хр\сте`: И= _о=бы^чныя мл~твы бдjь'нiя. На стiхо'внjь стiхи^ры пра'здника, гла'съ _е~. Самоподо'бенъ: Ра'дуйся живоно'сный кр\сте: съ припjь'вы и='хъ, пи'саны на ма'лjьй вече'рни. Сла'ва, и= ны'нjь, гла'съ и~. _Е=го'же дре'вле мwv"се'й: Та'же, Ны'нjь w\тпуща'еши: и= трист~о'е. По _О='ч~е на'шъ, тропа'рь кр\ста`, гла'съ а~: Сп~си` гд\си лю'ди твоя^: три'жды, пи'санъ на ма'лjьй вече'рни. И= _о=бы'чное бл~гослове'нiе хлjь'бwвъ, и= раздая'нiе и='хъ: и= Бу'ди и='мя гд\сне, три'жды съ пjь'нiемъ. и= _псало'мъ л~г: Бл~гословлю` гд\са: И= чте'мъ сло'во w= честно'мъ дре'вjь. На о_у='трени, на Бг~ъ гд\сь, тропа'рь пра'здника три'жды: И= _о=бы^чныя каfi^смы. По каfi'смахъ сjьда'льны, и= чт_е'нiя пра'здника. По чте'нiи же даю'тся свjьщы` бра'тiи. Та'же полv"еле'й: И= сjьда'ленъ пра'здника: И= чте'нiе пра'здника. Степ_е'нна, а~ и= а=нтiфw'нъ д~-гw гла'са. Прокi'менъ, гла'съ д~: Ви'дjьша вси` концы` земли` сп~се'нiе бг~а на'шегw. Стi'хъ: Воспо'йте гд\севи пjь'снь но'ву. Вся'кое дыха'нiе: Стi'хъ: Хвали'те бг~а во ст~ы'хъ _е=гw`. _Е=v\глiе i=wа'нна, зача'ло м~в w\т полу`: Рече` гд\сь: _о='ч~е, просла'ви и='мя твое`: Та'же Воскр\снiе хр\сто'во: и= _псало'мъ н~. Сла'ва, Мл~твами а=п\слwвъ: И= ны'нjь, Мл~твами бц\ды: Посе'мъ стiхи'ра, гла'съ s~: Кр\сте хр\сто'въ: И= мл~тва, Сп~си`, бж~е, лю'ди твоя^: и= Гд\си поми'луй, в~_i. Та'же i=ере'й: Мл\стiю и= щедро'тами: Канw'нъ, гла'съ и~: творе'нiе кv'ръ космы`. i=рмо'съ, Кр\стъ начерта'въ: по два'жды. Тропари` на в~_i: И= послjьди` i=рмо'съ, _о='ба ли^ка вку'пjь: Кр\стъ начерта'въ: По г~-й пjь'сни сjьда'ленъ кр\ста`, гла'съ д~: Въ тебjь` требл~же'нне: Сла'ва, и= ны'нjь, то'йже. И= чте'нiе пра'здника. По s~-й пjь'сни, конда'къ кр\ста`, гла'съ д~: Вознесы'йся на кр\стъ во'лею: пи'санъ по'слjь ма'лыя вече'рни. И= i='косъ: И= чте'мъ про'логъ. На f~-й пjь'сни вжига'ютъ па'ки свjьщы` бра'тiя. Ч\стнjь'йшую не пое'мъ, но пое'мъ припjь'въ пра'здника: Велича'й душе` моя`: Та'же i=рмо'съ а~-гw канw'на: Та'инъ _е=си` бц\де: И= другi'й ли'къ подо'бнjь припjь'въ, и= i=рмо'съ: и= къ про'чымъ стiха'мъ то'йже припjь'въ пое'мъ. Та'же пое'мъ и= вторы'й припjь'въ: Велича'й душе` моя`: И= i=рмо'съ: Снjь'дiю дре'ва: И= другi'й ли'къ, подо'бнjь припjь'въ, и= i=рмо'съ. Тропари` _о=бою` канw'нwвъ на в~_i. Катава'сiа: Та'инъ _е=си` бц\де ра'й: Посе'мъ другi'й, Снjь'дiю дре'ва: съ припjь'вомъ. И= покло'нъ: По f~-й пjь'сни свjьти'ленъ пра'здника, подо'бенъ: О_у=ч~нкw'мъ: Кр\стъ храни'тель: два'жды. Сла'ва и= ны'нjь, подо'бенъ: Ж_ены` о_у=слы'шите: Кр\стъ воздвиза'ется: На хвали'техъ стiхи^ры, на д~, гла'съ и~, самоподо'бенъ: _w пресла'внагw чудесе`! Сла'ва, и= ны'нjь, гла'съ s~, самогла'сенъ: Дне'сь происхо'дитъ кр\стъ гд\снь: Та'же, Славосло'вiе вели'кое. Пое'му же вели'кому славосло'вiю, w=блачи'тся настоя'тель во всю` сщ~е'нную _о=де'жду, и= прiе'млетъ кади'льницу съ fv"мiа'момъ, и= прихо'дитъ ко ст~jь'й трапе'зjь, и= кади'тъ ч\стны'й кр\стъ крестоwбра'знw, и= взима'етъ _е=го` на главу`, и= и=схо'дитъ сjь'верными две'рьми, пред\ъиду'щымъ _е=му` со двjьма` лампа'дами да'же до цр\скихъ вра'тъ, и= та'мw ста'въ w=жида'етъ конца` славосло'вiя и= трист~а'гw. Сему' же сконча'ну, возглаша'етъ настоя'тель велегла'снw: Прему'дрость, про'сти. Мы' же начина'емъ тропа'рь: Сп~си` гд\си лю'ди твоя^: три'жды. И= прихо'дитъ настоя'тель, нося` на главjь` ч\стны'й кр\стъ до среды` цр~кве пред\ъ ст~ы^я цр\скiя дв_е'ри: та'мw о_у='бw о_у=гото'вану а=нало'гiю, полага'етъ верху` _е=гw` ч\стны'й кр\стъ, и= кади'тъ крестоwбра'знw. Та'же твори'тъ покло'ны три` до земли`, въ ко'йлибо бу'ди де'нь, и= взе'мъ ч\стны'й кр\стъ со бл~гово'нными васiлька'ми, на подно'жiи кр\ста` w=бложе'нными, ста'нетъ пред\ъ а=нало'гiемъ зря` къ восто'кwмъ. И= дiа'конъ возглаша'етъ велегла'снw во о_у=слы'шанiе всjь'хъ: Поми'луй на'съ, бж~е, по вели'цjьй мл\сти твое'й, мо'лимся тебjь`, о_у=слы'ши на'съ, гд\си, и= поми'луй, рце'мъ вси`. И= начина'емъ пе'рвую со'тницу, Гд\си поми'луй, н~: зна'менающу настоя'телю въ нача'лjь ч\стны'мъ кр\сто'мъ, три'жды. Та'же преклоня'етъ главу`, _е=ли'кw пя'дiю w\тстоя'ти главjь` w\т земли`, и= пома'лу воздвиза'ется горjь` да'же до сконча'нiя втора'гw, н~, Гд\си поми'луй. _Е=гда' же доспjь'етъ до ч~з, Гд\си поми'луй, возвыша'етъ гла'съ сво'й _е=кклисiа'рхъ, настоя'тель же пря'мw стоя`, и= конца` со'тницы w=жида'я, зна'менуетъ кр\сто'мъ па'ки три'жды. Та'же w=браща'ется къ за'паднjьй странjь`. И= глаго'летъ дiа'конъ: _Е=ще` мо'лимся w= бл~гочести'вjьйшемъ, самодержа'внjьйшемъ, вели'комъ гд\срjь на'шемъ, i=мпера'торjь нiкола'jь а=ле_кса'ндровичjь всея` рwссi'и, w= держа'вjь, побjь'дjь, пребыва'нiи, ми'рjь, здра'вiи, сп~се'нiи _е=гw` и= гд\су бг~у на'шему наипа'че поспjьши'ти и= пособи'ти _е=му` во все'мъ, и= покори'ти под\ъ но'зjь _е=гw` вся'каго врага` и= супоста'та. _Е=ще` мо'лимся w= супру'гjь _е=гw`, бл~гочести'вjьйшей гд\срнjь, i=мператрi'цjь а=ле_кса'ндрjь fео'дwровнjь. _Е=ще` мо'лимся w= ма'тери _е=гw`, бл~гочести'вjьйшей гд\срнjь, i=мператрi'цjь марi'и fео'дwровнjь. _Е=ще` мо'лимся w= наслjь'дникjь _е=гw`, бл~говjь'рномъ гд\срjь, цесаре'вичjь и= вели'комъ кн~зjь а=ле_ксi'и нiкола'евичjь, и= w= все'мъ ца'рствующемъ до'мjь, рце'мъ вси`. И= начина'емъ втору'ю со'тницу, Гд\си поми'луй. И= твори'тъ настоя'тель второ'е воздви'женiе, jа='коже преднаписа'ся. Та'же w=браща'ется къ полу'денной странjь`. И= глаго'летъ дiа'конъ: _Е=ще` мо'лимся w= w=ставле'нiи грjьхw'въ ст~jь'йшагw прави'тельствующагw сv"но'да, и= всегw` w= хр\стjь` бра'тства на'шегw, w= здра'вiи и= w= сп~се'нiи, рце'мъ вси`. И= начина'емъ тре'тiю со'тницу, Гд\си поми'луй. Скончава'емjьй же то'й, w=браща'ется настоя'тель къ сjь'верной странjь`. И= глаго'летъ дiа'конъ: _Е=ще` мо'лимся w= вся'кой души` хрiстiа'нстjьй, скорбя'щей же и= w=sло'бленнjьй, здра'вiя, сп~се'нiя, и= w=ставле'нiя грjьхw'въ тре'бующей, рце'мъ вси`. И= быва'етъ д~ воздви'женiе: И= w=браща'ется настоя'тель къ восто'кwмъ. И= глаго'летъ дiа'конъ: _Е=ще` мо'лимся w= всjь'хъ служа'щихъ и= послужи'вшихъ во ст~jь'й _о=би'тели се'й [и=ли` хра'мjь се'мъ], _о=т_е'цъ и= бра'тiй на'шихъ, w= здра'вiи и= w= сп~се'нiи, и= w=ставле'нiи грjьхw'въ и='хъ, рце'мъ вси`. И= начина'емъ пя'тую со'тницу. По пя'томъ же воздви'женiи, пое'мъ: Сла'ва, и= ны'нjь, конда'къ: Вознесы'йся на кр\стъ во'лею: Пое'му же сему`, полага'етъ настоя'тель ч\стно'е дре'во кр\ста` на а=нало'гiи, и= пое'тъ тропа'рь се'й во гла'съ s~: Кр\сту` твоему` покланя'емся вл\дко, и= ст~о'е воскр\снiе твое` сла'вимъ. три'жды. Пою'щымъ же и= бра'тiямъ то'йже тропа'рь начина'етъ кла'нятися настоя'тель, и= твори'тъ мета^нiя два` пред\ъ ч\стны'мъ кр\сто'мъ, та'же цjьлу'етъ _е=го`. По цjьлова'нiи же твори'тъ па'ки _е=ди'но мета'нiе, та'кожде и= на _о='ба ли^ка но _е=ди'ному мета'нiю. Посе'мъ прихо'дятъ бра'тiя вся^ w\т десны'я и= лjь'выя страны` два` два`, по чи'ну покланя'ются, и= цjьлу'ютъ ч\стны'й кр\стъ. Пое'мъ же и= стiхи^ры самогла'сны, до'ндеже соверши'тся цjьлова'нiе. Стiхи^ры кр\ста`, гла'съ в~: Прiиди'те вjь'рнiи: Гла'съ _е~: Прiиди'те лю'дiе, пресла'вное чу'до ви'дяще: Гла'съ то'йже, Гла'съ пр\орw'къ твои'хъ: Гла'съ s~, Четвероконе'чный мi'ръ: Пр\оро'кwвъ гла'си: Гла'съ и~, Гла'съ пр\оро'ка твоегw` мwv"се'а, бж~е: Дне'сь вл\дка тва'ри: Сла'ва, и= ны'нjь: Дне'сь неприкоснове'нный существо'мъ: И= по сконча'нiи цjьлова'нiя ч\стна'гw кр\ста`, поставля'ется а=нало'гiй, съ ч\стны'мъ кр\сто'мъ, w= десну'ю страну` ца'рскихъ двере'й, и= та'мw стои'тъ, до'ндеже пра'здникъ w\тда'стся. [зри`] А='ще ли же не въ собо'рныхъ хра'мjьхъ, и= воздви'женiе кр\ста` не быва'етъ, то'чiю поклоне'нiе кр\сту`, jа='коже о_у=ка'зано въ недjь'лю г~-ю ст~ы'хъ постw'въ. Посе'мъ вхо'дитъ i=ере'й во ст~ы'й _о=лта'рь, и= дiа'конъ глаго'летъ _е=ктенiю`: Поми'луй на'съ бж~е: I=ере'й возгла'съ: JА='кw мл\стивъ и= чл~вjьколю'бецъ: Та'же дiа'конъ: И=спо'лнимъ о_у='треннюю мл~тву на'шу: I=ере'й же возгла'съ: Твое' бо _е='сть, _е='же ми'ловати: По а=ми'нjь, Прему'дрость. Ли'къ: Бл~гослови`. I=ере'й, Сы'й бл~гослове'нъ: Ли'къ, О_у=тверди` бж~е: I=ере'й, Прест~а'я бц\де: Кли'рiцы, Ч\стнjь'йшую: И= w\тпу'стъ. И= ча'съ а~-й. На а~-мъ часjь` тропа'рь пра'здника. По _О='ч~е на'шъ: конда'къ пра'здника же: И= соверше'нный w\тпу'стъ.

На лiтургi'и а=нтiфw'нъ а~-й, гла'съ в~, _псало'мъ к~а: Бж~е бж~е мо'й, вонми' ми, вску'ю w=ста'вилъ мя` _е=си`; Мл~твами бц\ды бц\ды, сп~се сп~си` на'съ. И= па'ки другi'й ли'къ, в~-й стi'хъ: Дале'че w\т сп~се'нiя моегw` словеса` грjьхопаде'нiй мои'хъ. Мл~твами бц\ды, сп~се, сп~си` на'съ. И= па'ки а~-й ли'къ, стi'хъ г~: Бж~е мо'й, воззову` во дни`, и= не о_у=слы'шиши, и= въ нощи`, и= не въ безу'мiе мнjь`. Мл~твами бц\ды: Та'же в~-й ли'къ, стi'хъ д~: Ты' же во ст~jь'мъ живе'ши, хвало` i=и~лева. Мл~твами бц\ды: Сла'ва, и= ны'нjь: Мл~твами бц\ды: А=нтiфw'нъ в~, гла'съ в~, _псало'мъ _о~г: Вску'ю, бж~е, w\три'нулъ ны` _е=си` до конца`; Сп~си' ны сн~е бж~iй, пло'тiю распны'йся, пою'щыя ти`: а=ллилу'iа. Другi'й ли'къ, стi'хъ в~-й: Помяни` со'нмъ тво'й, _е=го'же стяжа'лъ _е=си` и=спе'рва. Сп~си' ны сн~е бж~iй, пло'тiю распны'йся, пою'щыя ти`: Стi'хъ г~-й: Гора` сiw'нъ сiя`, въ не'йже все'лился _е=си`. Сп~си' ны сн~е бж~iй: Стi'хъ д~: Бг~ъ же цр~ь на'шъ, пре'жде вjь'ка содjь'ла сп~се'нiе посредjь` земли`. Сп~си' ны сн~е бж~iй: Сла'ва, и= ны'нjь: _Е=диноро'дный сн~е: _о='ба ли^ка вку'пjь. А=нтiфw'нъ г~-й, гла'съ а~, _псало'мъ ч~и: Гд\сь воцр~и'ся, да гнjь'ваются лю'дiе. Та'же тропа'рь: Сп~си` гд\си лю'ди твоя^: ве'сь до конца`. Другi'й ли'къ, то'йже стi'хъ: Гд\сь воцр~и'ся, да гнjь'ваются лю'дiе, сjьдя'й на херувi'мjьхъ, да подви'жится земля`. Тропа'рь: Сп~си` гд\си лю'ди твоя^: И= па'ки пе'рвый ли'къ, стi'хъ г~: Гд\сь въ сiw'нjь вели'къ и= высо'къ _е='сть над\ъ всjь'ми людьми`. Тропа'рь: Сп~си` гд\си лю'ди твоя^: Другi'й ли'къ, стi'хъ д~: Поклони'теся гд\севи во дворjь` ст~jь'мъ _е=гw`: тропа'рь: сп~си` гд\си лю'ди твоя^: Та'же вхо'дъ. Дiа'конъ рече'тъ: Прему'дрость, про'сти. Мы' же вхо'дное: Возноси'те гд\са бг~а на'шего, и= покланя'йтеся подно'жiю нw'гу _е=гw`, jа='кw ст~о _е='сть. Та'же тропа'рь: Сп~си` гд\си лю'ди твоя^: Сла'ва, и= ны'нjь, конда'къ: Вознесы'йся на кр\стъ: Вмjь'стw трист~а'гw пое'мъ: Кр\сту` твоему` покланя'емся, вл\дко, и= ст~о'е воскр\снiе твое` сла'вимъ. Прокi'менъ, гла'съ з~: Возноси'те гд\са бг~а на'шего, и= покланя'йтеся подно'жiю нw'гу _е=гw`, jа='кw ст~о _е='сть. Стi'хъ: Гд\сь воцр~и'ся, да гнjь'ваются лю'дiе. А=по'столъ къ корi'нfянwмъ, зача'ло рк~_е: Сло'во кр\стное: Коне'цъ: хр\ста` бж~iю си'лу, и= бж~iю прему'дрость. А=ллилу'iа, гла'съ а~: Помяни` со'нмъ тво'й, _е=го'же стяжа'лъ _е=си` и=спе'рва. Стi'хъ: Бг~ъ же цр~ь на'шъ пре'жде вjь'ка, содjь'ла сп~се'нiе посредjь` земли`. _Е=v\глiе w\т i=wа'нна, зача'ло _кс~: Во вре'мя _о='но, совjь'тъ сотвори'ша а=рхiере'и: Прича'стенъ: Зна'менася на на'съ свjь'тъ лица` твоегw` гд\си. На трапе'зjь же быва'етъ о_у=тjьше'нiе бра'тiи, w= _е=ле'а и= вiна`, и= про'чихъ снjь'дей _о=во'щныхъ. Сы'ра же и= jа=и'цъ и= ры'бы, ника'коже де'рзнемъ косну'тися.