_е~_i. Ст~а'гw пр\оро'ка а=мw'са:

А=ллилу'iа, и=ли` тропа'рь. Стiхи^ры бц\ды, гла'съ в~. Подо'бенъ: _Е=гда` w\т дре'ва: и= ст~а'гw, гла'съ и= подо'бенъ то'йже. На стiхо'внjь _о=ктw'иха,

Тропа'рь, гла'съ в~:

Пр\оро'ка твоегw` а=мw'са па'мять, гд\си, пра'зднующе, тjь'мъ тя` мо'лимъ, сп~си` ду'шы на'шя.

На о_у='трени, _о='ба канw'на _о=ктw'иха: и= пр\оро'ка на д~, гла'съ з~. По г~-й пjь'сни, сjьда'ленъ, гла'съ г~. По s~-й пjь'сни,

Конда'къ, гла'съ д~. Подо'бенъ: JА=ви'лся _е=си`:

W=чи'стивъ дх~омъ пр\оро'че твое` свjьтоза'рное се'рдце сла'вный а=мw'се, пр\оро'чествiя да'ръ свы'ше прiе'мъ, возопи'лъ _е=си` велегла'снw во страна'хъ: се` бг~ъ на'шъ, и= не преложи'тся и='нъ къ нему`.

Въ то'йже де'нь во ст~ы'хъ _о=тца` на'шегw i=w'ны, митрополi'та моско'вскагw и= всея` рwссi'и.

Соверша'ется собо'ръ _е=гw`, и=дjь'же лежа'тъ мо'щи _е=гw`, и= и=дjь'же хра'мъ _е=гw`: повсю'ду же полv"еле'й.

Тропа'рь, гла'съ д~:

W\т ю='ности твоея` ве'сь са'мъ себе` гд\севи возложи'въ, въ мл~твахъ, и= трудjь'хъ, и= въ постjь'хъ w='бразъ бы'въ добродjь'тели: w\т_ону'дуже ви'дjьвъ бг~ъ твое` бл~го'е произволе'нiе, а=рхiере'а тя` и= па'стыря це'ркви свое'й о_у=строя'етъ. тjь'мже и= по преставле'нiи, честно'е тjь'ло твое` цjь'ло и= нетлjь'нно соблюде'ся, i=w'но ст~и'телю, моли` хр\ста` бг~а, да сп~се'тъ ду'шы на'шя.

Конда'къ, гла'съ и~. Подо'бенъ: Взбра'нной:

JА='кw w\т младе'нства гд\севи порабо'тивъ себе` му'дре, посто'мъ и= бдjь'нiемъ тjь'ло твое` о_у=друча'я. тjь'мже сосу'дъ чи'стъ, и= до'мъ дх~у прест~о'му jа=ви'лся _е=си`: сегw` ра'ди и= це'ркви свое'й тебе` а=рхiере'а и= па'стыря о_у=строя'етъ, ю='же до'брjь о_у=па'съ ко гд\су w\тхо'диши, _е=го'же возлюби'лъ _е=си`. тjь'мъ мо'лимъ тя`: помина'й на'съ, вjь'рою чту'щихъ ст~у'ю па'мять твою`, да вси` зове'мъ ти`: ра'дуйся _о='тче i=w'но, ст~и'телю всечестны'й.