s~_i. Прп\дбнагw _о=тца` на'шегw fео'дwра w=сщ~е'ннагw, о_у=ченика` прп\дбнагw пахw'мiа вели'кагw.

Тропа'рь, гла'съ а~:

Пусты'нный жи'тель и= въ тjьлеси` а='гг~лъ. и= чудотво'рецъ показа'лся _е=си`, бг~оно'се _о='тче на'шъ fео'дwре, посто'мъ, бдjь'нiемъ, моли'твою, нб\сная дарова'нiя прiи'мъ, и=сцjьля'еши неду^жныя, и= ду'шы вjь'рою притека'ющихъ къ тебjь`. сла'ва да'вшему тебjь` крjь'пость: сла'ва вjьнча'вшему тя`: сла'ва дjь'йствующему тобо'ю всjь^мъ и=сцjьл_е'нiя.

Конда'къ, гла'съ в~. Подо'бенъ: Вы'шнихъ и=щя`:

Въ дому` бж~iи jа='кw фi'нi_ксъ процвjь'лъ _е=си`, плоды' же добродjь'телей гд\севи прине'слъ, поще'нiемъ и=зря'днымъ _о='тче прп\дбне: тjь'мже и= о_у=бл~жа'ешися, jа='кw безпло'тныхъ равностоя'теленъ.

И= прп\дбнагw _о=тца` на'шегw _е=фре'ма переко'мскагw, новогоро'дскагw чудотво'рца.

Тропа'рь, гла'съ д~:

W\т ю='ности твоея` ве'сь бг~ови порабо'тился _е=си` бл~же'нне: и= тогw` ра'ди любве` _о=те'чество и= ро'дъ w=ста'вилъ _е=си` въ пусты'ню всели'вся, въ не'йже жесто'кое житiе` показа'въ, и= чуде'съ дарова^нiя w\т бг~а прiя'лъ _е=си` _е=фре'ме прп\дбне, моли` хр\ста` бг~а, да сп~се'тъ ду'шы на'шя.

Конда'къ, гла'съ и~. Подо'бенъ: Взбра'нной:

А='гг~льскому житiю` поревнова'въ прп\дбне, вся^ земна^я w=ста'вивъ ко хр\сту` прите'клъ _е=си`: и= тогw` за'повjьдьми w=гра'ждся, jа=ви'лся _е=си` сто'лпъ непоколеби'мь w\т вра'жiихъ напа'данiй. тjь'мъ зове'мъ ти`: ра'дуйся _е=фре'ме, свjьти'ло пресвjь'тлое.