к~в. Предпра'зднство хр\сто'ва рж\ства`: И= ст~ы'я великомч~нцы о_у=зорjьши'тельницы.

На Гд\си воззва'хъ, стiхи^ры предпра'зднства г~. гла'съ а~. Подо'бенъ: Всехва'льнiи мч~нцы: И= ст~ы'я, г~, гла'съ и~. Подо'бенъ: Что` вы` нарече'мъ: Сла'ва, ст~ы'я, гла'съ в~: Воскр\снiя да'ръ прiя'ла _е=си`: И= ны'нjь, предпра'зднства, гла'съ д~: Виfлее'ме о_у=краша'йся: На стiхо'внjь стiхи^ры предпра'зднства, гла'съ в~. Подо'бенъ: До'ме _е=vфра'fовъ: съ припjь'вы и='хъ. Сла'ва, ст~ы'я, гла'съ д~: Живоно'снагw воста'нiя: И= ны'нjь, гла'съ то'йже: И=са'iе лику'й:

Тропа'рь ст~ы'я, гла'съ д~:

А='гница твоя`, i=и~се, а=настасi'а, зове'тъ ве'лiимъ гла'сомъ: тебе` женише` мо'й люблю`, и= тебе` и='щущи страда'льчествую, и= сраспина'юся, и= спогреба'юся кр~ще'нiю твоему`, и= стражду` тебе` ра'ди, jа='кw да ца'рствую въ тебjь`, и= о_у=мира'ю за тя`, да и= живу` съ тобо'ю: но jа='кw же'ртву непоро'чную прiими' мя, съ любо'вiю поже'ршуюся тебjь`. тоя` мл~твами, jа='кw ми'лостивъ сп~си` ду'шы на'шя.

Сла'ва, и= ны'нjь, предпра'зднства, гла'съ то'йже: Гото'вися виfлее'ме: На повече'рiи, пое'мъ канw'нъ предпра'зднства, гла'съ s~. i=рмосы` по два'жды, тропари` на s~. Послjьди` i=рмо'съ _о='ба ли^ка вку'пjь, jа='коже предписа'ся. На о_у='трени, тропа'рь предпра'зднства, два'жды. Сла'ва, ст~ы'я: И= ны'нjь, предпра'зднства, и= _о=бы^чныя каfi^смы, и= сjьда'льны предпра'зднства , и= чте'нiе. Канw'нъ предпра'зднства со i=рмосо'мъ на и~, гла'съ s~: и= ст~ы'я на s~, гла'съ и~. По г~-й пjь'сни, конда'къ и= i='косъ предпра'зднства, и= сjьда'ленъ, гла'съ а~. Сла'ва, и= ны'нjь, предпра'зднства, гла'съ и~. По s~-й пjь'сни,

Конда'къ ст~ы'я, гла'съ в~. Подо'бенъ: Вы'шнихъ и=щя`:

Во и=скуше'нiихъ и= ско'рбехъ су'щiи, къ твоему` хра'му притека'юще прiе'млютъ честна^я дарова^нiя, w\т живу'щiя въ тебjь` бж~е'ственныя бл~года'ти, а=настасi'е: ты' бо при'снw мi'ру то'чиши и=сцjьл_е'нiя.

И= i='косъ. По f~-й пjь'сни свjьти'ленъ ст~ы'я: Сла'ва, и= ны'нjь, предпра'зднства: На хвали'техъ стiхи^ры предпра'зднства, на д~, гла'съ s~. Подо'бенъ: А='гг~льскiя: Сла'ва, гла'съ и= подо'бенъ то'йже: Жезло'мъ желjь'знымъ: И= ны'нjь, подо'бенъ то'йже: Взыгра'й дв~де: На стiхо'внjь стiхи^ры, гла'съ в~. Подо'бенъ: До'ме _е=vфра'fовъ: Со _о=бы'чными припjь'вы предпра'зднства. Сла'ва, ст~ы'я, гла'съ _е~: Предпра'зднственный де'нь: И= ны'нjь, предпра'зднства, гла'съ то'йже: Не дря'хлуй i=w'сифе: На лiтургi'и, бл~ж_е'нна предпра'зднства, пjь'снь г~-я, и= ст~ы'я пjь'снь s~. По вхо'дjь тропари`, jа='коже предписа'ся сегw` мjь'сяца въ к~а-й де'нь. Прокi'менъ, гла'съ д~: Ди'венъ бг~ъ во ст~ы'хъ свои'хъ: Стi'хъ: Въ цр~квахъ бл~гослови'те бг~а: А=по'столъ къ гала'тwмъ, зача'ло с~и: Пре'жде прише'ствiя вjь'ры: А=ллилу'iа, гла'съ а~: Терпя` потерпjь'хъ гд\са: _Е=v\глiе луки`, зача'ло л~г: Моля'ше i=и~са нjь'кiй w\т фарiс_е'й: Прича'стенъ: Въ па'мять вjь'чную: