к~в. Ст~а'гw равноап\сльнагw а=ве'ркiа, _е=п\скпа i=ерапо'льскагw чудотво'рца. И= ст~ы'хъ седми` _о=трокw'въ, и=`же во _е=фе'сjь.

Стiхи^ры ст~а'гw г~, гла'съ в~. Подо'бенъ: _Е=гда` w\т дре'ва: и= _о=трокw'въ г~, гла'съ д~. Подо'бенъ: JА='кw до'бля: Сла'ва, гла'съ г~: А=рхiере'е прп\дбне: На стiхо'внjь _о=ктw'иха.

Тропа'рь, гла'съ д~:

Пра'вило вjь'ры и= w='бразъ кро'тости, воздержа'нiя о_у=чи'теля jа=ви' тя ста'ду твоему`, jа='же веще'й и='стина: сегw` ра'ди стяжа'лъ _е=си` смире'нiемъ высw'кая, нището'ю бога^тая, _о='тче а=ве'ркiе, моли` хр\ста` бг~а сп~сти'ся душа'мъ на'шымъ.

Сла'ва,

Мч~нцы твои` гд\си, во страда'нiихъ свои'хъ вjьнцы` прiя'ша нетлjь^нныя w\т тебе` бг~а на'шегw: и=му'ще бо крjь'пость твою` мучи'телей низложи'ша, сокруши'ша и= де'мwнwвъ немощны^я де'рзwсти. тjь'хъ моли'твами сп~си` ду'шы на'шя.

На о_у='трени, канw'нъ _о=ктw'иха _е=ди'нъ: и= ст~и'теля, гла'съ в~, на д~. и= _о=трокw'въ, гла'съ и~, на д~. По г~-й пjь'сни,

Конда'къ _о=трокw'въ, гла'съ д~. Подо'бенъ: Вознесы'йся:

Просла'вивый на земли` ст~ы^я твоя^, пре'жде втора'гw и= стра'шнагw прише'ствiя твоегw`, хр\сте`, пресла'внымъ воста'нiемъ _о=трокw'въ, показа'лъ _е=си` воскр\снiе невjь'дящымъ нетлjь'нна w=дjья^нiя и= тjьлеса` jа=ви'въ, и= царя` о_у=вjь'рилъ _е=си` вопи'ти: вои'стинну _е='сть ме'ртвыхъ воста'нiе.

И= i='косъ, и= сjьда'ленъ а=ве'ркiа, гла'съ и~: Сла'ва, _о=трокw'въ, гла'съ д~. По s~-й пjь'сни,

Конда'къ а=ве'ркiа, гла'съ и~. Подо'бенъ: JА='кw нача'тки:

Jа='кw сщ~е'нника превели'каго, и= а=п\слwвъ совсе'льника, цр~ковь почита'етъ тя` вся` вjь'рныхъ, а=ве'ркiе: ю='же твои'ми мл~твами соблюда'й, бл~же'нне, непобjьди'му и= неwбурева'ему w\т вся'кiя _е='реси, и= несве'рну, jа='кw приснопа'мятный.

И= i='косъ. По f~-й пjь'сни, свjьти'ленъ _о=ктw'иха, и= а=ве'ркiа. Сла'ва, _о=трокw'въ. И= ны'нjь, бг~оро'диченъ. На стiхо'внjь _о=ктw'иха. На лiтургi'и, бл~ж_е'нна _о=ктw'иха на д~: и= а=ве'ркiа пjь'снь г~, на д~. Прокi'менъ, гла'съ а~: О_у=ста` моя^ возглаго'лютъ прему'дрость: Стi'хъ: О_у=слы'шите сiя^ вси` jа=зы'цы: А=по'столъ ко _е=вре'_емъ, зача'ло ти~_i: Тако'въ на'мъ подоба'ше: А=ллилу'iа, гла'съ в~: О_у=ста` прв\днагw поуча'тся прему'дрости: Стi'хъ: Зако'нъ бг~а _е=гw`: _Е=v\глiе i=wа'нна, зача'ло л~s: А='зъ _е='смь две'рь: Прича'стенъ: Въ па'мять вjь'чную:

Въ то'йже де'нь пра'зднуемъ прест~jь'й бц\дjь каза'нской.

Тропа'рь, гла'съ д~:

Засту'пница о_у=се'рдная, мт~и гд\са вы'шнягw, за всjь'хъ мо'лиши сн~а твоего`, хр\ста` бг~а на'шего, и= всjь^мъ твори'ши сп~сти'ся, въ держа'вный тво'й покро'въ прибjьга'ющымъ. всjь'хъ на'съ заступи`, гп\сже` цр~и'це и= вл\дчце, и=`же въ напа'стехъ и= ско'рбехъ, и= въ болjь'знехъ w=бремене'нныхъ грjьхи` мно'гими, предстоя'щихъ и= моля'щихся тебjь` о_у=миле'нною душе'ю, и= сокруше'ннымъ се'рдцемъ, пред\ъ преч\стымъ твои'мъ w='бразомъ со слеза'ми, и= невозвра'тнw наде'жду и=му'щихъ на тя`, и=збавле'нiе всjь'хъ sw'лъ, всjь^мъ пол_е'зная да'руй, и= вся^ сп~си`, бц\де дв~о: ты' бо _е=си` бж~е'ственный покро'въ рабw'мъ твои^мъ.

Конда'къ, гла'съ и~. Подо'бенъ: Взбра'нной:

Притеце'мъ лю'дiе къ ти'хому сему`, и= до'брому приста'нищу, ско'рой помо'щницjь, гото'вому и= те'плому сп~се'нiю, покро'ву дв~ы. о_у=скори'мъ на мл~тву, и= потщи'мся на покая'нiе: и=сточа'етъ бо на'мъ неwску^дныя мл\сти преч\стая бц\да, предваря'етъ на по'мощь, и= и=збавля'етъ w\т вели'кихъ бjь'дъ и= sw'лъ, бл~гонра^вныя и= бг~обоя'щыяся рабы^ своя^.