к~в. Ст~ы'я мv"роно'сицы и= равноап\сльныя марi'и магдали'ны: И= возвраще'нiе моще'й ст~а'гw сщ~енномч~нка фw'ки.

Стiхи^ры ст~ы'я, гла'съ и~. Подо'бенъ: _W пресла'внагw чудесе`! и= ст~а'гw, гла'съ д~. Подо'бенъ: Да'лъ _е=си` зна'менiе: Сла'ва, ст~ы'я, гла'съ s~: Пе'рвjье ви'дjьвши: На стiхо'внjь _о=ктw'иха. Сла'ва, ст~ы'я, гла'съ и~: Во'лею w=бнища'вшему:

Тропа'рь ст~ы'я, гла'съ а~:

Хр\сту` на'съ ра'ди w\т дв~ы ро'ждшемуся ч\стна'я магдали'на марi'а послjь'довала _е=си`, тогw` w=правда^нiя и= зако'ны храня'щи: тjь'мже дне'сь всест~у'ю твою` па'мять пра'зднующе, грjьхw'въ разрjьше'нiе мл~твами твои'ми прiе'млемъ.

И= ст~а'гw, гла'съ д~:

И= нра'вwмъ прича'стникъ, и= пр\сто'лwмъ намjь'стникъ а=п\слwмъ бы'въ, дjья'нiе w=брjь'лъ _е=си` бг~одохнове'нне, въ видjь'нiя восхо'дъ: сегw` ра'ди сло'во и='стины и=справля'я, и= вjь'ры ра'ди пострада'лъ _е=си` да'же до кро'ве, сщ~енномч~нче фw'ко, моли` хр\ста` бг~а сп~сти'ся душа'мъ на'шымъ.

На о_у='трени, канw'нъ _о=ктw'иха _е=ди'нъ, и= ст~ы'хъ два`: ст~ы'я, гла'съ и~, и= ст~а'гw, гла'съ то'йже. По г~-й пjь'сни,

Конда'къ фw'ки, гла'съ s~. Подо'бенъ: _Е='же w= на'съ:

JА='кw ст~и'тель принося` _о='тче ж_е'ртвы, на коне'цъ себе` прине'слъ _е=си` же'ртву жи'ву: свидjь'тельствовавъ зако'ннw w= хр\стjь` бз~jь, w\т а='гг~лъ о_у=крjьпля'емь, и= сме'рть и=зволя'я сы'й съ вопiю'щими тебjь`: прiиди` фw'ко съ на'ми, и= никто'же на ны`.

И= i='косъ, и= сjьда'ленъ ст~ы'я, гла'съ и~: и= мч~нка, гла'съ д~. По s~-й пjь'сни,

Конда'къ ст~ы'я, гла'съ г~. Подо'бенъ: Дв~а дне'сь:

Предстоя'щи пресла'вная о_у= кр\ста` сп~сова, со и=ны'ми мно'гими, и= мт~ри гд\сни состра'ждущи, и= сле'зы точа'щи, сiе` въ похвалу` приноша'ше глаго'лющи: что` сiе` _е='сть стра'нное чу'до, содержа'й всю` тва'рь пострада'ти и=зво'ли: сла'ва держа'вjь твое'й.

И= i='косъ. По f~-й пjь'сни, свjьти'ленъ _о=ктw'иха, и= ст~ы'я. Сла'ва, мч~нка. На стiхо'внjь _о=ктw'иха. Сла'ва, мч~нка, гла'съ д~: W\т младе'нства бы'лъ _е=си` гд\севи рачи'тель: И= ны'нjь, ст~ы'я, гла'съ и~: Во'лею w=бнища'вшему: На лiтургi'и, бл~ж_е'нна _о=ктw'иха, и= ст~ы'я пjь'снь г~-я, на д~. Прокi'менъ, гла'съ д~: Ди'венъ бг~ъ во ст~ы'хъ свои'хъ, бг~ъ i=и~левъ. Стi'хъ: Въ цр~квахъ бл~гослови'те бг~а: А=по'столъ къ корi'нfянwмъ, зача'ло рм~а: Печа'ть моегw` а=п\сльства: А=ллилу'iа, гла'съ а~: Терпя` потерпjь'хъ гд\са: _Е=v\глiе w\т луки`, зача'ло л~д: Прохожда'ше i=и~съ сквозjь` гра'ды и= в_е'си: Прича'стенъ: Ра'дуйтеся: