з~_i. И='же во ст~ы'хъ _о=тца` на'шегw григо'рiа _е=п\скпа, неwкесарi'йскагw чудотво'рца.

Тропа'рь, гла'съ и~:

Въ мл~твахъ бо'дрствуя, чуде'съ дjь'ланми претерпjьва'я, тезоиме'нiе стяжа'лъ _е=си` и=справле'нiя: но моли'ся хр\сту` бг~у, _о='тче григо'рiе, просвjьти'ти ду'шы на'шя, да не когда` о_у='снемъ въ сме'рть.

Конда'къ, гла'съ в~. Подо'бенъ: Вы'шнихъ и=щя`:

Чуде'съ мно'гихъ прiе'мъ дjь'йство, зна'менми о_у=жа'сными де'мwны о_у=страши'лъ _е=си`, и= неду'ги w\тгна'лъ _е=си` человjь'ч_ескiя, всему'дре григо'рiе: чудотво'рецъ же и=мену'ешися, зва'нiе w\т дjь'лъ прiе'мъ.

Въ то'йже де'нь прп\дбнагw _о=тца` на'шегw нi'кwна чудотво'рца, о_у=ченика` ст~а'гw се'ргiа.

Тропа'рь, гла'съ а~:

Послуша'нiя до'брый рачи'тель бы'въ, преподо'бне нi'кwне приснопа'мятне: цр~ковь бо прекра'сну ст~ы'я тр\оцы, въ похвалу` _о=ц~у` твоему` воздви'глъ _е=си`. тjь'мже и= мы` ча^да твоя^ любо'вiю вопiе'мъ ти`: сла'ва да'вшему ти` крjь'пость, сла'ва вjьнча'вшему тя`, сла'ва дjь'йствующему тобо'ю всjь^мъ и=сцjьл_е'нiя.

Конда'къ, гла'съ д~. Подо'бенъ: JА=ви'лся _е=си`:

Дх~о'вному твоему` настоя'телю, _о='тче нi'кwне, вся'чески прилjьпи'вся, и= w\т негw` наставля'емь, во все'мъ хр\сто'ви порабо'тився, мона'хwвъ бы'лъ _е=си` чинонача'льникъ, и= прп\дбныхъ сожи'тель, съ ни'миже хр\ста` бг~а моли` непреста'ннw w= всjь'хъ на'съ.