f~_i. Прп\дбнагw _о=тца` на'шегw мака'рiа _е=гv'птянина.

На Гд\си воззва'хъ, стiхи^ры на s~, гла'съ д~. Подо'бенъ: Да'лъ _е=си` зна'менiе: Сла'ва, гла'съ и~: Весели'ся _е=гv'пте: На стiхо'внjь _о=ктw'иха. Сла'ва, гла'съ s~: Прп\дбне _о='тче, во всю` зе'млю: И= ны'нjь, бг~оро'диченъ.

Тропа'рь, гла'съ а~:

Пусты'нный жи'тель и= въ тjьлеси` а='гг~лъ. и= чудотво'рецъ показа'лся _е=си`, бг~оно'се _о='тче на'шъ мака'рiе, посто'мъ, бдjь'нiемъ, моли'твою, нб\сная дарова'нiя прiи'мъ, и=сцjьля'еши неду^жныя, и= ду'шы вjь'рою притека'ющихъ къ тебjь`. сла'ва да'вшему тебjь` крjь'пость: сла'ва вjьнча'вшему тя`: сла'ва дjь'йствующему тобо'ю всjь^мъ и=сцjьл_е'нiя.

Сла'ва и= ны'нjь, бг~оро'диченъ и=ли` кр\стобг~оро'диченъ. На о_у='трени, _о='ба канw'на _о=ктw'иха: и= ст~а'гw на s~, гла'съ д~. По г~-й пjь'сни,

Конда'къ, гла'съ д~. Подо'бенъ: JА=ви'лся _е=си`:

Въ дому` гд\сь воздержа'нiя, вои'стинну тя` положи` jа='коже sвjьзду` непреле'стную, свjьтоводя'щу концы`, _о='тче _о=тц_е'въ, мака'рiе прп\дбне.

Та'же сjьда'ленъ, гла'съ а~, два'жды. По s~-й пjь'сни,

Конда'къ, гла'съ а~. Подо'бенъ: Ли'къ а='гг~льскiй:

Бл~же'нную жи'знь сконча'въ въ житiи` съ му'ченическими ли'ки, въ земли` кро'ткихъ досто'йнw водворя'ешися, бг~оно'сне мака'рiе, и= пусты'ню, jа='коже гра'дъ насели'въ, бл~года'ть прiя'лъ _е=си` w\т бг~а чуде'съ: тjь'мже тя` почита'емъ.

И= i='косъ. По f~-й пjь'сни, свjьти'ленъ _о=ктw'иха. Сла'ва, ст~а'гw. На стiхо'внjь _о=ктw'иха. Сла'ва, гла'съ д~: Просiя'ша дw'брая дjьла` твоя^: На лiтургi'и, бл~ж_е'нна _о=ктw'иха на д~: и= ст~а'гw пjь'снь s~-я на д~: и= вся` слу'жба сегw` мц\са въ _е~_i де'нь.

И= w=брjь'тенiе ч\стны'хъ моще'й прп\дбнагw са'ввы стороже'вскагw.

Тропа'рь, гла'съ и~:

W\т ю='ности бж~е'ственною распаля'емь ре'вностiю, возлюби'лъ _е=си` чи'стое житiе`: презрjь'въ мi'ра сегw` кра^сная и= су'_етная, послjь'довалъ _е=си` твоему` бг~ому'дрому о_у=чи'телю, пребл~же'нному се'ргiю, въ трудjь` и= бдjь'нiи, въ постjь` и= по'двизjь: на сторо'жи jа='влься безмо'лвiя ра'ди и= стра'жи духо'вныя, не дре'мленнымъ на бж~е'ственнjьй стра'жи предстоя'нiемъ стяжа'лъ _е=си` о_у='мъ, зря'й къ бг~у и= де'мwнскiя кw'зни и= w=бстоя^нiя прозира'яй: w=заре'нiе прест~а'гw дх~а въ себе` воспрiе'мъ, jа='кw sвjьзда` пресвjь'тлая возсiя'лъ _е=си` вjь^рнымъ. тjь'мже и= прему'дръ и= свjьтоза'ренъ предстоя'тель, и= па'стырь ста'ду твоему` jа=ви'лся _е=си`: свjь'томъ твои'мъ просвjьща'й и= всjь'хъ, приходя'щихъ къ тебjь` вjь'рою, _о='тче на'шъ са'вво, и= моли` хр\ста` бг~а, да спасе'тъ ду'шы на'шя.

Конда'къ, гла'съ и~:

Безмо'лвiя ра'ди и= пло'ти распина'нiя всели'выйся на горjь` сторо'жи, jа=ви'лся _е=си` прп\дбне са'вво, сто'лпъ вjь'ры непоколеби'мый, w\т прест~а'гw дх~а w=сiя'нный, _о=би'тель преч\стна'я тр\оцы, и= непреста'нными моли'твами, сле'зными воздыха'нiи и= по'двигами, бл~года'ти бж~е'ственныя соприча'стникъ: тjь'мже и= хр\сто'съ въ нетлjь'нiи моще'й твои'хъ просла'ви тя`, и= да'ромъ чуде'съ о_у=краси' тя. мы' же ра'достнw ти` вопiе'мъ: ра'дуйся са'вво, вели'кiй чудотво'рче.