к~г. И='же во ст~ы'хъ _о=т_е'цъ на'шихъ а=мфiло'хiа, _е=п\скпа i=конi'йскагw, и= григо'рiа, _е=п\скпа а=крагантi'йскагw.

Стiхи^ры а=мфiло'хiа г~, гла'съ д~. Подо'бенъ: Да'лъ _е=си` зна'менiе: И= григо'рiа г~, гла'съ и~. Подо'бенъ: _W пресла'внагw чудесе`! Сла'ва, и= ны'нjь, пра'здника, гла'съ д~: Прiиди'те вси` вjь'рнiи: На стiхо'внjь стiхи^ры пра'здника, гла'съ а~. Подо'бенъ: Нб\сныхъ чинw'въ: Съ припjь'вы и='хъ. Сла'ва, и= ны'нjь, гла'съ _е~: Возсiя` де'нь ра'достенъ:

Тропа'рь, гла'съ д~:

Бж~е _о=т_е'цъ на'шихъ, творя'й при'снw съ на'ми по твое'й кро'тости, не w=ста'ви мл\сть твою` w\т на'съ, но мл~твами и='хъ въ ми'рjь о_у=пра'ви живо'тъ на'шъ.

Сла'ва, и= ны'нjь, пра'здника. И= w\тпу'стъ. На о_у='трени, на Бг~ъ гд\сь, тропа'рь пра'здника, два'жды. Сла'ва, ст~ы'хъ: И= ны'нjь, пра'здника. И= _о=бы^чныя каfi^смы: и= сjьда'льны пра'здника: и= чте'нiе. Канw'нъ пра'здника со i=рмосо'мъ на s~: И= ст~ы'хъ два`, на и~: А=мфiло'хiа, гла'съ д~: И= григо'рiа, гла'съ и~. По г~-й пjь'сни, конда'къ пра'здника, и= i='косъ.

Та'же конда'къ григо'рiа, гла'съ д~. Подо'бенъ: Jа=ви'лся _е=си`:

Свjьтолу'чными сiя'нiи цр~ковь ст~а'гw дх~а свjьтово'дитъ свjь'тлое соверша'ющыя твое` о_у=спе'нiе, прп\дбне _о='тче, всебл~же'нне григо'рiе.

И= сjьда'ленъ а=мфiло'хiа, гла'съ д~. Сла'ва, григо'рiа, гла'съ и~. И= ны'нjь, пра'здника. По s~-й пjь'сни,

Конда'къ а=мфiло'хiа, гла'съ в~. Подо'бенъ: Вы'шнихъ и=щя`:

Бж~е'ственный гро'мъ, труба` дх~а, вjь'ры садодjь'лателю и= сjь'чиво _е=ресе'й, i=ера'рше а=мфiло'хiе, тр\оцы о_у=го'дниче вели'кiй, со а='гг~лы предстоя` при'снw, моли` непреста'ннw w= всjь'хъ на'съ.

И= i='косъ. По f~-й пjь'сни, свjьти'ленъ а=мфiло'хiа: Сла'ва, григо'рiа: И= ны'нjь, пра'здника. На стiхо'внjь стiхи^ры пра'здника, гла'съ в~. Подо'бенъ: До'ме _е=vфра'fовъ: Сла'ва, и= ны'нjь, гла'съ s~: Дне'сь собо'ри вjь'рныхъ: На лiтургi'и, бл~ж_е'нна пра'здника, пjь'снь д~-я и= _е~-я, на s~. Прокi'менъ, гла'съ з~: Ч\стна` пред\ъ гд\семъ сме'рть прп\дбныхъ _е=гw`. Стi'хъ: Что` возда'мъ гд\севи w= всjь'хъ: А=по'столъ ко _е=вре'_емъ, зача'ло тл~д: Помина'йте наста'вники ва'шя: А=ллилу'iа, гла'съ в~: Сщ~е'нницы твои` w=блеку'тся въ пра'вду: Стi'хъ: Зако'нъ бг~а _е=гw` въ се'рдцы _е=гw`. _Е=v\глiе матfе'а, зача'ло р~г: Бди'те о_у='бw, jа='кw не вjь'сте: Прича'стенъ: Ра'дуйтеся прв\днiи:

Въ то'йже де'нь преставле'нiе ст~а'гw бл~говjь'рнагw вели'кагw кн~зя а=ле_кса'ндра не'вскагw, и= всея` рwссi'и чудотво'рца:

Соверша'ется собо'ръ, и=дjь'же хра'мъ _е=гw`.

Тропа'рь, гла'съ д~:

Jа='кw бл~гочести'вагw ко'рене пречестна'я w\тра'сль бы'лъ _е=си`, бл~же'нне а=ле_кса'ндре: jа=ви` бо тя` хр\сто'съ, jа='кw нjь'кое бж~е'ственное сокро'вище рwссi'йстjьй земли`, но'вагw чудотво'рца пресла'вна и= бг~опрiя'тна. и= дне'сь соше'дшеся въ па'мять твою` вjь'рою и= любо'вiю, во _псалмjь'хъ и= пjь'нiихъ ра'дующеся сла'вимъ гд\са, да'вшаго тебjь` бл~года'ть и=сцjьле'нiй. _е=го'же моли` сп~сти` гра'дъ се'й, и= держа'вjь срw'дникъ твои'хъ бг~оуго'днjьй бы'ти, и= сыновw'мъ рwссi^йскимъ сп~сти'ся.

Конда'къ, гла'съ и~. Подо'бенъ: JА='кw нача'тки:

JА='кw sвjьзду' тя пресвjь'тлую почита'емъ, w\т восто'ка возсiя'вшую, и= на за'падъ прише'дшую: всю' бо страну` сiю` чудесы` и= добро'тою w=богаща'еши, и= просвjьща'еши вjь'рою чту'щыя па'мять твою`, а=ле_кса'ндре бл~же'нне. сегw` ра'ди дне'сь пра'зднуемъ твое` о_у=спе'нiе, лю'дiе твои` су'щiи, моли` сп~сти` _о=те'чество твое`, и= держа'ву правосла'внагw i=мпера'тора на'шегw, и='м\ркъ, и= вся^ притека'ющыя къ ра'цjь моще'й твои'хъ, и= вjь'рнw вопiю'щыя ти`: ра'дуйся гра'ду на'шему о_у=твержде'нiе.

Въ то'йже де'нь па'мять пе'рвагw воро'нежскагw ст~и'теля митрофа'на, въ схимона'сjьхъ мака'рiа:

Соверша'ется собо'ръ, и=дjь'же хра'мъ _е=гw`.

Тропа'рь, гла'съ д~:

Пра'вило вjь'ры, и= w='бразъ кро'тости, сло'вомъ и= житiе'мъ, па'ствjь твое'й, _о='тче смиреному'дре митрофа'не, бы'лъ _е=си`. тjь'мже и= во свjь'тлостехъ ст~ы'хъ, со'лнца свjьтлjь'йше возсiя'лъ _е=си`, вjьнце'мъ нетлjь'нiя и= сла'вы о_у=краша'емь, моли` хр\ста` бг~а, бл~гочести'вjьйшему i=мпера'тору на'шему нiкола'ю а=ле_кса'ндровичу, все'й держа'вjь _е=гw`, и= гра'ду твоему` въ ми'рjь сп~сти'ся.

Конда'къ, гла'съ и~.

Воздержа'нiемъ тjь'ло ду'ху порабо'тивъ, ду'шу же равноа'гг~льну сотвори'въ, ст~и'тельскою w=дjь'ялся _е=си` _о=де'ждою, jа='кw вjьне'цъ сщ~е'нства: и= ны'нjь всjь'хъ вл\дцjь предстоя`, моли`, всебл~же'нне митрофа'не, о_у=мири'ти и= сп~сти` ду'шы на'шя.