к~_е. Прп\дбныя ма'тере на'шея _е=vфросv'нiи.

Тропа'рь, гла'съ и~:

Въ тебjь` мт~и и=звjь'стнw сп~се'ся _е='же по w='бразу: прiи'мши бо кр\стъ, послjь'довала _е=си` хр\сту`, и= дjь'ющи о_у=чи'ла _е=си` презира'ти о_у='бw пло'ть, прехо'дитъ бо, прилjьжа'ти же w= души` ве'щи безсме'ртнjьй: тjь'мже и= со а='гг~лы сра'дуется, прп\дбная _е=vфросv'нiе, ду'хъ тво'й.

Конда'къ, гла'съ в~. Подо'бенъ: Вы'шнихъ и=щя`:

Вы'шнюю жи'знь возжелjь'вши получи'ти, до'льнюю сла'дость тща'тельнw w=ста'вила _е=си`, и= саму'ю себе` смjьси'ла _е=си` посредjь` муже'й краснjь'йшая: хр\ста' бо ра'ди жениха` твоегw` w= w=бру'чницjь привре'менномъ небрегла` _е=си`.

И= прп\дбнагw _о=тца` на'шегw се'ргiа и=гу'мена, ра'донежскагw чудотво'рца.

Тропа'рь, гла'съ д~:

И='же добродjь'телей подви'жникъ, jа='кw и='стинный во'инъ хр\ста` бг~а, на стра^сти вельми` подвиза'лся _е=си` въ жи'зни вре'меннjьй, въ пjь'нiихъ, бдjь'нiихъ же и= поще'нiихъ w='бразъ бы'въ твои^мъ о_у=ченикw'мъ: тjь'мже и= всели'ся въ тя` прест~ы'й дх~ъ, _е=гw'же дjь'йствiемъ свjь'тлw о_у=кра'шенъ _е=си`. но jа='кw и=мjь'яй дерзнове'нiе ко ст~jь'й тр\оцjь, помина'й ста'до, _е='же собра'лъ _е=си` му'дре, и= не забу'ди jа='коже w=бjьща'лся _е=си`, посjьща'я ча'дъ твои'хъ, се'ргiе преподо'бне _о='тче на'шъ.

Конда'къ, гла'съ и~. Подо'бенъ: Взбра'нной:

Хр\сто'вою любо'вiю о_у=язви'вся, прп\дбне, и= тому` невозвра'тнымъ жела'нiемъ послjь'довавъ, вся'кое наслажде'нiе плотско'е возненави'дjьлъ _е=си`, и= jа='кw со'лнце _о=те'честву твоему` возсiя'лъ _е=си`: тjь'мъ и= хр\сто'съ да'ромъ чуде'съ w=богати' тя. помина'й на'съ чту'щихъ пресвjь'тлую па'мять твою`, да зове'мъ ти`: ра'дуйся, се'ргiе бг~ому'дре.