к~_е. Ст~а'гw а=п\сла и= _е=v\глi'ста ма'рка.

Тропа'рь, гла'съ г~:

А=п\сле ст~ы'й и= _е=v\глi'сте ма'рко, моли` ми'лостиваго бг~а, да прегрjьше'нiй w=ставле'нiе пода'стъ душа'мъ на'шымъ.

И=ли` се'й, гла'съ то'йже:

О_у= верхо'внагw петра` научи'вся, а=п\слъ хр\сто'въ бы'лъ _е=си`, и= jа='кw со'лнце страна'мъ возсiя'лъ _е=си`, а=ле_ксандрi'wмъ о_у=добре'нiе бы'въ бл~же'нне. тобо'ю _е=гv'петъ w\т пре'лести свободи'ся, _е=v\гльскимъ твои'мъ о_у=че'нiемъ просвjь'щъ вся^, jа='кw свjь'тъ сто'лпъ цр~ко'вный. сегw` ра'ди твою` па'мять чту'ще, свjь'тлw пра'зднуемъ ма'рко бг~огла'се: моли` тобо'ю бл~говjьсти'маго бг~а, да согрjьше'нiй w=ставле'нiе пода'стъ душа'мъ на'шымъ.

Конда'къ а=п\сла, гла'съ в~: Подо'бенъ: Вы'шнихъ и=щя`:

Съ высоты` прiи'мъ бл~года'ть дх~а, ри'тwрская плет_е'нiя разруши'лъ _е=си` а=п\сле, и= jа=зы'ки вся^ о_у=лови'въ, ма'рко всесла'вне, твоему` вл\дцjь приве'лъ _е=си` бж~е'ственное проповjь'давъ _е=v\глiе.