к~s. Ст~ы'хъ мч~нкъ, а=дрiа'на и= ната'лiи:

Стiхи^ры _о=ктw'иха г~: и= ст~ы'хъ г~, гла'съ д~: Подо'бенъ: JА='кw до'бля: Сла'ва, гла'съ s~: _W супру'же ст~ы'й: На стiхо'внjь _о=ктw'иха. Сла'ва, ст~ы'хъ, гла'съ а~: Ре'вность му'жа бл~гочести'ва:

Тропа'рь, гла'съ д~:

Мч~нцы твои` гд\си, во страда'нiихъ свои'хъ вjьнцы` прiя'ша нетлjь^нныя w\т тебе` бг~а на'шегw: и=му'ще бо крjь'пость твою` мучи'телей низложи'ша, сокруши'ша и= де'мwнwвъ немощны^я де'рзwсти. тjь'хъ моли'твами сп~си` ду'шы на'шя.

На о_у='трени, _о='ба канw'на _о=ктw'иха и= ст~ы'хъ на д~, гла'съ s~. По г~-й пjь'сни,

Конда'къ, гла'съ д~:

Жены` бг~ому'дрыя бж~е'ств_енная словеса` въ се'рдцjь положи'въ, а=дрiа'не мч~нче хр\сто'въ, къ муче'нiямъ о_у=се'рднw о_у=стреми'лся _е=си`, съ супру'гою вjьне'цъ прiе'мъ.

Та'же сjьда'ленъ, гла'съ д~. По s~-й пjь'сни,

Конда'къ, гла'съ д~. Подо'бенъ: JА=ви'лся _е=си`:

Мч~нкъ возсiя` бж~е'ственная па'мять, и= з_емны'я w=зари` вся^ концы` свjь'тлw, съ весе'лiемъ зову'щихъ: ты` _е=си` мч~нкwвъ хр\сте` ра'дованiе.

И= i='косъ. По f~-й пjь'сни, свjьти'ленъ _о=ктw'иха. Сла'ва, мч~нкwвъ. На стiхо'внjь _о=ктw'иха.

Въ то'йже де'нь пра'зднуемъ срjь'тенiю i=кw'ны прест~ы'я бц\ды влади'мiрскiя.

Тропа'рь, гла'съ д~:

Дне'сь свjь'тлw красу'ется сла'внjьйшiй гра'дъ москва`, jа='кw зарю` со'лнечную воспрiе'мши вл\дчце, чудотво'рную твою` i=кw'ну, къ не'йже ны'нjь мы` притека'юще, и= моля'щеся тебjь`, взыва'емъ си'це: пречу'дная вл\дчце бц\де, моли'ся и=з\ъ тебе` воплоще'нному хр\сту` бг~у на'шему, да и=зба'витъ гра'дъ се'й, и= вся^ гра'ды и= страны^ хрiстiа^нскiя невреди'мы w\т всjь'хъ навjь^тъ вра'жiихъ, и= сп~се'тъ ду'шы на'шя jа='кw милосе'рдъ.

Конда'къ, гла'съ и~:

Взбра'нной воево'дjь побjьди'т_ельная, jа='кw и=зба'вльшеся w\т sлы'хъ прише'ствiемъ твоегw` честна'гw w='браза, вл\дчце бц\де, свjь'тлw сотворя'емъ празднество` срjь'тенiя твоегw`, и= _о=бы'чнw зове'мъ ти`: ра'дуйся невjь'сто неневjь'стная.

А='ще хо'щетъ настоя'тель, да пое'тъ слу'жбу _е=я` со а=дрiа'номъ, jа='коже зна'менiю бц\ды съ мч~нкомъ i=а'кwвомъ пе'рсскимъ: зри` ли'стъ рм~в.