к~з. Ст~а'гw а=п\сла первомч~нка и= а=рхiдiа'кона стефа'на : И= прп\дбнагw _о=тца` на'шегw и= и=сповjь'дника fео'дwра начерта'ннагw, и= бра'та fеофа'на творца`.

Тропа'рь стефа'на, гла'съ д~:

По'двигомъ до'брымъ подвиза'лся _е=си`, первомч~нче хр\сто'въ и= а=п\сле, и= мучи'телей w=бличи'лъ _е=си` нече'стiе. ка'менiемъ бо побiе'нъ w\т ру'къ беззако'нныхъ, вjьне'цъ w\т jа='же свы'ше десни'цы прiя'лъ _е=си`, и= къ бг~у взыва'лъ _е=си`, вопiя`: гд\си, не поста'ви и=`мъ грjьха` сегw`.

Сла'ва, прп\дбнагw, гла'съ и~:

Правосла'вiя наста'вниче, бл~гоче'стiя о_у=чи'телю и= чистоты`, вселе'нныя свjьти'льниче, а=рхiере'_евъ бг~одухнове'нное о_у=добре'нiе. fео'дwре прему'дре, о_у=че'ньми твои'ми вся^ просвjьти'лъ _е=си`, цjьвни'це дх~о'вная, моли` хр\ста` бг~а, сп~сти'ся душа'мъ на'шымъ.

Конда'къ стефа'на, гла'съ г~. Подо'бенъ: Дв~а дне'сь:

Вл\дка вчера` на'мъ пло'тiю прихожда'ше, и= ра'бъ дне'сь w\т пло'ти и=схожда'ше: вчера` ца'рствуяй пло'тiю роди'ся, дне'сь ра'бъ ка'менiемъ. побива'ется: тогw` ра'ди и= скончава'ется первомч~нкъ, и= бж~е'ственный стефа'нъ.